scriptandhvishwas me par ke beega-guniya ke chakkar me nhi pre bar chahi | कोरोना के भूत | Patrika News

कोरोना के भूत

बइगा बबा कहिथे... राजकुमार बेटा पढ़े-लिखे म कतक गुन हे रे, आज मंय समझे हंव। गियान-बिग्यान के बात ल छोडक़े मंय अंधबिसवास, झार-फूंक म अपन जान के दुसमन बन गे रहेंव। धन-धन हे अखबार, टीवी वालामन ल जउन समाज ल सही जानकारी देवत हें।

रायपुर

Published: February 21, 2022 04:37:51 pm

बइगा बबा अपन घर के आगू गली के चौंरा म बइठे फूंक-झार करत रहंय। कहिथे-जा फिरंगी मोर फूंक-झार करे आय, तोर सब्बो सरदी, खांसी, बुखार मिटा जाहंय।
ओतके बखत गली म बारहवीं पढ़इया लइका राजकुमार नहकत रहंय। बइगा बबा के गोठ ल सुनके कहिथे - बइगा बबा ये का कहत हस। ये समे हर सरदी, खांसी, जर-बुखार ल कोनो मामूली झन समझव ग। कोरोना हो सकत हे। तोर झार-फूंक करे म नइ जावय। चार दिन पहली दादूसिंह तको ल तंय झार-फूंक करे रहे, वोकर तबियत अउ जादा बिगडग़े। वोला सहर के अस्पताल लेगे हें। अंधबिसवास ल छोड़व बबा। हवा म फइलइया कोरोना हो सकत हे। जउन ह तोरो म फइल सकत हे। तोर ले तंय जउन-जउन ल झार-फूंक करबे वोमन ल हो सकत हे। तंय बीमारी ल मिटाये बर छोड़ के बगराये के काम करत हस बबा। लोगन ल डाकटर करा जाय के सलाह दे बबा।
बइगा बबा मार गुस्सा ले आंखी लाल-लाल करके कहिथे- आज के लइका मोला सिखावत हस रे, चल अपन रद्दा नाप बढ़ पढ़हंता बने हस। दू-चार दिन गुजरे रहय। गांव म लॉकडाउन लग गे रहय। सब्बो मनखेंन अपन-अपन घर म धंधाये रहंय। राजकुमार अपन घर के छत म चढ़े रहय। रात हो गे रहय। का देखत हे बइगा बबा अपन घर के परछी म उतान बेसुध सुते हे। वोकर घरवाली गियानमती रोवत रहंय। उठ न हो, कुछु काहे नइ गोठियावव, का होगे तुमन ल। काला बलावंव सब्बो मनखे के फइरका देवाये हे।
राजकुमार सोचे लगिस- कहुं बइगा बबा ल कोरोना तो नइ होगे। डाकटर ले देखाये के जरूरत हे। डाकटर तको गांव ले एक कोस दूरिहा रहिथे। दू-चार घर ल आवाज दिस, कोनो अपन दरवाजा ल नइ खोलय। राजकुमार सोचे लागिस- कोरोना के बखत म- मनखे के मया, मनखे बर काहे कम होगे। कतको आंखी दुख भरे पानी नम होगे। राजकुमार डाकटर बलाये बर चल दिस। रद्दा म लॉकडाउन म पुलिस पकड़ लिस। वोहा सब्बो बात ल बताइस। पुलिसमन के तको आंसू आ गे। धन-धन रे लडक़ा। पुलिसमन एम्बुलेंस बुलाइन अउ सहर के अस्पताल म बइगा बबा ल पहुंचाइन।
पच्चीस दिन बाद बइगा बबा अस्पताल ले घर आइस। बइगा के घरवाली गियानमती ह राजकुमार ल हाथ जोडक़े रोवत कहिथे- बेटा आज तंय मोर सुहाग के परान ल बचाये हस। सही समे म डाकटर एम्बुलेंस ल बलाय हस। अस्पताल म डाकटर कहत रहिस- एको घंटा देरी होतिस तब बचना मुसकुल रहिस। ऑक्सीजन लेवल निमगा गिर गे रिहिस। तोर ये उपकार के करजा कइसे चुकावव बेटा।
राजकुमार कहिस- बइगिन दाई, ये तो मोर फरज रहिस। महुं तो मनखे आंव। करजा तो मंय तोर चुकाये हंव महतारी। मंय नानकुन रहेंव, तव गली म भइंसा मोला मारत रहिस तब तंय अपन जान ल नइ देखे भइंसा ले लड़ के मोर जान ल बचाये रहे। मोला अपन कोरा म उठाके अपन अंचरा ले माटी धुररा ल पोछे रहे। अपन अंचरा के मया-दुलार ल पुरोये रहे महतारी। लागथे आज तोर करजा चुका डारेंव दाई। बइगा बबा बाचगे, ऐकर ले अउ बड़े का खुसी हो सकत हे।
बइगा बबा कहिथे- राजकुमार बेटा पढ़े-लिखे म कतक गुन हे रे, आज मंय समझे हंव। गियान-बिग्यान के बात ल छोड़ के मंय अंधबिसवास, झार-फूंक म अपन जान के दुसमन बन गे रहेंव। धन-धन हे हमर अखबार, टीवी, रेडियो वालामन ल जउन समाज ल समे म सही जानकारी देवत हें, जगावत हें। हमर डाक्टर, नर्स, पुलिस अउ जम्मो मनखें करमचारीमन अपन जान ल जोखिम म डार के दूसर के परान बचाये के उदिम करत हें। मानव सेवा म लगे हें। सब्बाोमन ये माटी के सच्चा सपूत आंय।
कोरोना के भूत
कोरोना के भूत

सबसे लोकप्रिय

शानदार खबरें

Newsletters

epatrikaGet the daily edition

Follow Us

epatrikaepatrikaepatrikaepatrikaepatrika

Download Partika Apps

epatrikaepatrika

Trending Stories

इन बर्थ डेट वालों पर शनि देव की रहती है कृपा दृष्टि, धीरे-धीरे काफी धन कर लेते हैं इकट्ठाLiquor Latest News : पियक्कडों की मौज ! रात एक बजे तक खरीदी जा सकेगी शराबशुक्र देव की कृपा से इन दो राशियों के लोग लाइफ में खूब कमाते हैं पैसा, जीते हैं लग्जीरियस लाइफMorning Tips: सुबह आंख खुलते ही करें ये 5 काम, पूरा दिन गुजरेगा शानदारDelhi Schools: दिल्ली में बदलेगी स्कूल टाइमिंग! जारी हुई नई गाइडलाइनMahindra Scorpio 2022 का लॉन्च से पहले लीक हुआ पूरा डिजाइन और लुक, बाहर से ऐसी दिखती है ये पावरफुल कारबैड कोलेस्‍ट्राॅल और डिमेंशिया को कम करके याददाश्त को बढ़ाता है ये लाल खट्‌टा-मीठा फल, जानिए इसके और भी फायदेAC में लगाइये ये डिवाइस, न के बराबर आएगा बिजली बिल, पूरे महीने होगी भारी बचत

बड़ी खबरें

अब असम में भी चला बुलडोजर, थाना फूंकने वाले पांच परिवारों के घर गिराए, 20 आरोपी हिरासत मेंAzam Khan और अखिलेश में बढ़ी दूरियां, सपा विधानमंडल दल की बैठक में नहीं गए आजम खानगृहमंत्री अमित शाह ने राहुल गांधी पर कसा तंज, कहा - 'इटालियन चश्मा उतारें, तभी दिखेगा विकास''मातोश्री क्या कोई मस्जिद है?' पुणे रैली में राज ठाकरे ने PM से की यूनिफॉर्म सिविल कोड व जनसंख्या नियंत्रण कानून की मांगपटना एयरपोर्ट पर बड़ा हादसा, निर्माण कार्य के दौरान गिरा लोहे का स्ट्रक्चर, दो मजदूरों की मौत, एक की टूटी रीढ़ की हड्डीPM मोदी तक पहुंची अल्मोड़ा की 'बाल मिठाई', स्टार शटलर लक्ष्य सेन ने ऐसा पूरा किया अपना वायदाराजस्थान में 50 हजार अपराधियों की बनेगी'कुंडली' थाना स्तर पर बनेगा डोजीयरभारतीय स्टार Veer Mahaan ने WWE दिग्गज को मार-मारकर किया बेसुध, पाकिस्तानी मूल का रेसलर धराशाई
Copyright © 2021 Patrika Group. All Rights Reserved.