scriptchal sahar jaten re bhai, hemnath yduji ki prashiddh git he | छत्तीसगढ़ी ढाबा ल पोठ करइया साहित्यकार स्व. हेमनाथ यदु | Patrika News

छत्तीसगढ़ी ढाबा ल पोठ करइया साहित्यकार स्व. हेमनाथ यदु

छत्तीसगढ़ के गउ गोहार, सोन चिरइया, छत्तीसगढ़ी रामायन, सुंदरकांड, नवा सुरुज के अगवानी, हेमनाथ यदु : व्यक्तित्व एवं कृतित्व, मन के कलपना, छत्तीसगढ़ दरसन, जेन अभी छपे के रद्दा जोहत हे। वोमा छत्तीसगढ़ी रमायन अरंय कांड परमुख हे।

रायपुर

Published: March 29, 2022 04:39:41 pm

छत्तीसगढ़ राज बनाय खातिर जब ले हमर पुरखामन बछर 1950 के दसक म आंदोलन के जोंग जमाइन, वोकरेच संगे-संग इहां के गुनिक साहित्यकारमन घलो एकर भाखा, साहित्य के कोठी ल जबर भरे बर मिसन बना के छत्तीसगढ़ी म गजबेच लिखिन। ए रद्दा म ठोसहा बुता करइयामन के अगुवा के डांड़ म हेमनाथ यदुजी के नांव सोनहा आखर म लिखाय जग-जग ले दिखथे।
रायपुर के महामाईपारा म 1 अप्रैल 1924 के बृजलाल यदु अउ महतारी गोदावरी देवी के घर जनमे हेमनाथजी नान्हे उमर ले ही लिखे ले धर लिए रिहिन हे। फेर, उनला वोतका सफलता नइ मिल पावत रिहिस हे। ठउका उही बेरा उन सुप्रसिद्ध लोककवि बदरीबिसाल यदु ‘परमानंद’ जी (बद्रीबिशालजी) के संगत धरिन। बदरीबिसाल यदु अउ हेमनाथ दूनों कका-बड़ा के भाई रिहिन। तभो ले हेमनाथजी उनला अपन साहित्यिक गुरु के पदवी दिन। इहां ए जानना जरूरी हे, परमानंदजी वो बखत के सुविख्यात लोक गीतकार के रूप म जाने जावंय। पूरा छत्तीसगढ़ म परमानंद भजन मंडली के नांव म उंकर पचासों मंडली चलय। उही म जुड़ के हेमनाथजी घलो उहां के प्रमुख कवि अउ भजन लिखइया बन गिन।
उंकर एक छत्तीसगढ़ी गीत तब जगबेच लोकप्रिय होय रिहिस हे।
सुरता राखे रा संगवारी।
तोर बर खुल्ला हवे दुवारी।
मोर राहत ले कोनो तोला।
कइसे देही गारी।
हेमनाथजी के कुछ गीतमन के वो बखत ग्रामोफोन रिकार्ड घलो बने रिहिस हे। जेला गंगाराम सिवारेजी अपन आवाज दे रिहिन हें। हेमनाथजी के एक गीत ल दाऊ रामचंद्र देसमुख ह अपन ऐतिहासिक प्रस्तुति ‘चंंदैनी गोंदा’ म घलो ले रिहिन हें।
चल सहर जातेन रे भाई।
गांव ल छोड़ के सहर जातेन।
ए गीत ल भैयालाल हेड़ाउजी अपन स्वर दे रिहिन हें। बछर 1974 म उंकर मयारुक रचनामन के संग्रह ‘सोन चिरइया’ छपे रिहिस हे। जेकर भूमिका म प्यारेलाल गुप्तजी ए डांड़ ल लिखे रिहिन हें।
छत्तीसगढ़ी के मनखे सुघ्घर।
गजब मीठ उनकर बोली।
महानदी के जल म जइसे।
मधुरस ला देइन घोली।
छत्तीसगढ़ के गउ गोहार, सोन चिरइया, छत्तीसगढ़ी रामायन, सुंदरकांड, नवा सुरुज के अगवानी, हेमनाथ यदु : व्यक्तित्व एवं कृतित्व, मन के कलपना, छत्तीसगढ़ दरसन, जेन अभी छपे के बाट जोहत हे। वोमा छत्तीसगढ़ी रमायन अरंय कांड परमुख हे।
हेमनाथजी अउ उंकर सुवारी बिन्दाबाई के तीन बेटा हें- बसंत, बसनू अउ मन्नू। ऐमा के बड़े बेटा बसंत ह साहित्य के रद्दा म रेंगत रेहे हे। उंकर तीसरा पीढ़ी म घलो सबले छोटे बेटा मन्नू के सपूत देवकांत ह ‘परमानंद’ उपनाम ल धर के अपन पुरखामन के रद्दा म रेंगे के उदिम करत हे। अपन पुरखामन के ठोसहा बुता ल आगू बढ़ावय, संग म वोकरमन के वो जम्मो रचना, जेमन परकासन के अगोरा करत हें, उहूमन ला छपवा के छत्तीसगढ़ी भाखा के कोठी-ढाबा ल लबलब ले भरंय।
कहिथें न, सोनहा-रतनमन कमती दिन खातिर ये लोक म आए रहिथें। बस झपाझपा काम-बुता करथें, अउ हब ले रेंग देथें। हेमनाथजी घलो बहुत जल्दी ए दुनिया ले बिदागरी ले लेइन। जिनगी के संझौती बेरा म उनला टोटा के कैंसर होगे रिहिस हे। दू बछर तक जमराज संग लड़त रिहिन, फेर अपन रचना धरम ल छोडिऩ नइ। उन अपन आखिरी रचना म महामाया दाई ल अरजी लिखिन-
दाई कोरा के भर दे दुलार।
पिया के घर जाना हे।
कोन जानत हे अब कब आना हे।
पिया के घर जाना हे।
परम धारमिक, महामाया दाई के परमभक्त हेमनाथजी रामनवमी के दिन 5 अप्रैल 1979 के अपन पिया के घर सिरतो म चल दिन। आज उन सारीरिक रूप म भले हमर बीच नइहे, फेर उंकर साहित्य, उंकर गीत सदा उंकर सुरता देवावत रइही।
नजरे नजर म
गम लेवत रइहव मोर मितान।
नजरे नजर म
रस्ता ल आवत-जावत
देखत रइहव मोर मितान
नजरे नजर म।
छत्तीसगढ़ी ढाबा ल पोठ करइया साहित्यकार स्व. हेमनाथ यदु
छत्तीसगढ़ी ढाबा ल पोठ करइया साहित्यकार स्व. हेमनाथ यदु

सबसे लोकप्रिय

शानदार खबरें

Newsletters

epatrikaGet the daily edition

Follow Us

epatrikaepatrikaepatrikaepatrikaepatrika

Download Partika Apps

epatrikaepatrika

Trending Stories

नाम ज्योतिष: ससुराल वालों के लिए बेहद लकी साबित होती हैं इन अक्षर के नाम वाली लड़कियांभारतीय WWE स्टार Veer Mahaan मार खाने के बाद बौखलाए, कहा- 'शेर क्या करेगा किसी को नहीं पता'ज्योतिष अनुसार रोज सुबह इन 5 कार्यों को करने से धन की देवी मां लक्ष्मी होती हैं प्रसन्नइन राशि वालों पर देवी-देवताओं की मानी जाती है विशेष कृपा, भाग्य का भरपूर मिलता है साथअगर ठान लें तो धन कुबेर बन सकते हैं इन नाम के लोग, जानें क्या कहती है ज्योतिषIron and steel market: लोहा इस्पात बाजार में फिर से गिरावट शुरू5 बल्लेबाज जिन्होंने इंटरनेशनल क्रिकेट में 1 ओवर में 6 चौके जड़ेनोट गिनने में लगीं कई मशीनें..नोट ढ़ोते-ढ़ोते छूटे पुलिस के पसीने, जानिए कहां मिला नोटों का ढेर

बड़ी खबरें

Thailand Open: PV Sindhu ने वर्ल्ड की नंबर 1 खिलाड़ी Akane Yamaguchi को हराकर सेमीफाइनल में बनाई जगहIPL 2022 RR vs CSK Live Updates: पावर प्ले में राजस्थान ने बनाए 1 विकेट के नुकसान पर 52 रनसुप्रीम कोर्ट में अपने लास्ट डे पर बोले जस्टिस एलएन राव- 'जज साधु-संन्यासी नहीं होते, हम पर भी होता है काम का दबाव'ज्ञानवापी मस्जिद केसः सुप्रीम कोर्ट का सुझाव, मामला जिला जज के पास भेजा जाए, सभी पक्षों के हित सुरक्षित रखे जाएंशिक्षा मंत्री की बेटी को कलकत्ता हाई कोर्ट ने दिए बर्खास्त करने के निर्देश, लौटाना होगा 41 महीने का वेतनOla-Uber की मनमानी पर लगेगी लगाम! CCPA ने अनुचित व्यवहार के लिए भेजा नोटिस, 15 दिन में नहीं दिया जवाब तो हो सकती है कार्रवाईHyderabad Encounter Case: सुप्रीम कोर्ट के जांच आयोग ने हैदराबाद एनकाउंटर को बताया फर्जी, पुलिसकर्मी दोषी करारInflation Around World : महंगाई की मार, भारत से ज्यादा ब्रिटेन और अमरीका हैं लाचार
Copyright © 2021 Patrika Group. All Rights Reserved.