हरेली म टोटका करई ह का सही हे?

लोगनमन ल परकीति से जोरथे

हांसत-खलखलावत रहय, हमर गांव-गली पारा, सुमर के ‘देबी-देवताÓ ल, खोचव घर-घर ‘लीम डारा।Ó हरेली ह लोगन ल परकीति ले जोरथे। हरेली तिहार के पाछू म जादू-टोना अउ अंधबिसवास घलो जुड़े हावय। यहू ह ‘मयाÓ के निसानी आय। मया ल जादू-टोना अउ अंधबिसवास घलो पनपथे। काबर मया ह हक चाहथे, खुसी चाहथे। चाहे खुसी-परवार के होय, चाहे देस, गांव, सहर, घर के होय।
घर-घर म ‘लीम के डाराÓ खोचे के रिवाज हे। सहर म मोटर-गाड़ी, हाट-बजार, इस्कूल-दुकान म लीम डारा के खोचे के मतलब जिनगी म खुसहाली अउ बिकास के होवई। घर के कपाट ल घलो धोवय जेनहा सुरच्छा के परतीक हे। राउतमन पौनी-पसारी दान लेके जड़ी-बूटी ल चुरोके दवई के रूप म देथे। जेला गहूं पिसान के लोई बनाके गाय-गरूवा ल खवाथे। ऐकर पाछू पसुधन के सुरच्छा के बात जुड़े हे। खेल म फूल, अगरबत्ती, दीया, नरियर अउ चिला के संग पूजा करे के सुघ्घर रिवाज आज घलो देखे जा सकथे। जेन ह हमर आस्था अउ बिसवास के परतीक हे। तिहार ह भाई-चारा के भावना जगाथे। देस, सहर, गांव-घर ल परेम के डोरी म बांधथे।
मन के भरम ए टोना-टोटका
किसानमन धान के बोनी के बाद बियासी निपटा के हरेली तिहार मनाथें। तभे तो खेती के अउजार- नागर, बक्खर, रापा, कुदारी, हंसिया, बसुला, बिंधनामन ल धो के पूजा-पाठ करथें।काम-बूता म किंधिया जाय रहिथें। तिही पाय के हरेली के दिन गाय-गरूवा के सेवा मन लगा के करथें। हरेली के दिन बिहनिया गहूं पिसान ल सान के लोंदी के भीतर गड़ा निमक (नून) ल भरके अन्डा पान सन दइहान म खवा के मवेसी मन ल जरी-बूटी के दवई पियाथें, ताकेकोनो किसम के बीमारी ह छू झन सकय।
हरेली तिहार म जंतर-मंतर, टोनही झूपे के अंधबिसवास ह समाज बर कोढ़ आय। अलहन के बांचे बर टोटका करई, बेमारी के इलाज बर बइगा-गुनिया ले झाड़़-फूंक करई ह अंधबिसवा हे। अंधबिसवासी मनखेमन माइलोगिनमन ल टोनही कहिथें। वोमन ल गांव ले खेदार देथें। समाज ले निकाल देथें। आज बिग्यान के जुग म सबले बिचितर बात ए हावय के पढे-लिखे लोगनमन घलो अंधबिसवास के फांदा म फंदाय हें। हरेली के सुग्घर तिहार ल टोना-टोटका के भरमजाला से निकाले बर परही।