जादा झन खाव नून-मिरचा
रायपुरPublished: Jan 18, 2019 08:49:34 pm
खानपान अउ सेहत
मि रचा कई किसम के रहिस। फेर अब संकरन बिधि ले मिरचा के नवा-नवा किसम उपजाये जावत हे। वइसने नून बनाय बर कतको कंपनी आघू आय हे। फेर कोई काहीं कर ले नून अउ मिरचा के असली गुन तो उहीच रहही। नून खारा अउ मिरचा चुरपुर। हरियर देसी मिरचा खान-पान के सबो चीज म सबले जादा बउरे जाथे। लाल मिरचा के भूरका ला बर-बिहाव, मांदी म घलो परोसे जाथे। धान मिरचा, गोंटी मिरचा (काली मिरच) मन ह मसाला अउ औसधि बर घलो बउरे जाथे। अइसने नून म करिया नून, सेंधा नूनमन ल औसधि बर बउरे जाथे। गड़ा नून ल गाय-गरु के पानी म घोर के पियाये जाथे। नून म आयोडिन अउ सोडियम रथे। जेहा हमर सरीर म बरोबर रहे बर जरूरी हे। हिरदे रोग वालामन बर तो नून न कम, न जादा, बरोबर होय बर चाही। मिरचा म विटामिन सी अउ विटामिन बी-6 के भरमार रथे। ऐला हमर पुरातन ंसंस्करीति ले औसधि जान के खानपान म संघारे गे हे। नून-मिरचा के जादा बउरे म कई किसम के बीमारी होथे। तेकर सेती डाक्टरमन तेल नून मिरचा ल परहेज करे बर कहिथें।