ए जिनगी के का भरोसा
बिचार
रायपुर•Feb 07, 2019 / 07:18 pm•
Gulal Verma
ए जिनगी के का भरोसा
संगवारी हो, कहे गे हावय कि मनखे के बिचार अइसे होय बर चाही कि वोकर बिचार ऊपर घलो लोगन ल बिचार करे बर पर जाय। हमन सियानमन ल कहत सुने हावन-बेटा! ए जिनगी के का भरोसा रे। फेर, संगवारी हो हमन उंकर बात ल बने ढंग ले समझ नइ पाएन।
लइकई उमर से लेेके सियानी अवस्था तक मनखे के रूप रंग ह अतेक बदलथे जेकर कल्पना नइ करे जा सकय। सिरिफ रूप-रंगभर बदलथे अइसे नइये। समे ह घलो बदलत रहिथे अउ समे के अनुसार हमर बानी-बिचार ह घलो बदलत रहिथे।
अइसे म कहे जा सकथे के समे के घलो कोनो भरोसा नइये। फेर, हमर सियानमन कहिथें- जिनगी के का भरोसा। उंकर कहना सही हरय। काबर के समे तो अपन गति ले चलते रही, फेर हमन समे के संगे-संग चले सकबो के नइ, तेकर कोनो भरोसा नइये। जब लइकई उमर रहिथे तब समझ नइ रहय। जब खून गरम रहिथे तब होस नइ रहय अउ जब सियानी अवस्था आथे तब देह म ताकत नइ रहय। एहू ह अड़बड़ सोचे के बात हरय।
जउन घड़ी म हमर तन म सोच, समझ अउ ताकत तीनों रइथे तउन घड़ी के हमन ल सदुपयोग कर लेय बर चाही। काबर के मानुस तन अनमोल हावय अउ ए अवसर हमन ल बार-बार मिलय अइसे घलो जरूरी नइये। बेरा ह कोनो ल नइ अगोरय। हमींमन ल बेरा ल अगोरे बर पर परथे।
आज हमर तिर जतेक ताकत हावय तेकर उपयोग हम आजे कर सकत हन। अगर आज हम ए ताकत के उपयोग नइ करबो तब ए ह बेकार हो जाही अउ ए ताकत के उपयोग हम कल नइ करे सकन एहू ह अड़बड़ सोचे के बात हरय। बीते समे फेर लहुट के नइ आवय एहू ह खच्चित बात आय। तब हमन ल अपन जिनगी के ह एक पल के सहीं उपयोग कर लेय बर चाही। जब तक हमर हाथ-गोड़ चलत हे तब तक।
हमन अपन देह के कतको जतन करन, फेर एक न एक दिन ए तन ह अपन ताकत ला खो दिही। सब दिन जांगर एक बरोबर नइ चलय। देखते-देखत उमर पहा जाथे। पते नइ चलय के कब सियानी अवस्था आ गे। अब तो मनखे के उमर घलो घटत जात हवै। तइहां के सियानमन 100 बछर तक सुखी जीवन जी लेवत रहिन हें। अब तो चालीस पार करे के बाद सोचे ल परत हे के हमन सुवस्थ हावन के नइं।
ए जम्मों बात के एके मतलब होथे के जिनगी के कोनो भरोसा नइये। ऐकरे सेती हमन ल जियतभर अपन जिनगी ल भरपूर जिये के कोसिस करे बर चाही। सियान बिना धियान नइ होवय। तभे तो उंकर सीख ल गठिया के धरे म ही भलाई हे। सियानमन के सीख ल माने म ही भलाई हे।
लइकई उमर से लेेके सियानी अवस्था तक मनखे के रूप रंग ह अतेक बदलथे जेकर कल्पना नइ करे जा सकय। सिरिफ रूप-रंगभर बदलथे अइसे नइये। समे ह घलो बदलत रहिथे अउ समे के अनुसार हमर बानी-बिचार ह घलो बदलत रहिथे।
अइसे म कहे जा सकथे के समे के घलो कोनो भरोसा नइये। फेर, हमर सियानमन कहिथें- जिनगी के का भरोसा। उंकर कहना सही हरय। काबर के समे तो अपन गति ले चलते रही, फेर हमन समे के संगे-संग चले सकबो के नइ, तेकर कोनो भरोसा नइये। जब लइकई उमर रहिथे तब समझ नइ रहय। जब खून गरम रहिथे तब होस नइ रहय अउ जब सियानी अवस्था आथे तब देह म ताकत नइ रहय। एहू ह अड़बड़ सोचे के बात हरय।
जउन घड़ी म हमर तन म सोच, समझ अउ ताकत तीनों रइथे तउन घड़ी के हमन ल सदुपयोग कर लेय बर चाही। काबर के मानुस तन अनमोल हावय अउ ए अवसर हमन ल बार-बार मिलय अइसे घलो जरूरी नइये। बेरा ह कोनो ल नइ अगोरय। हमींमन ल बेरा ल अगोरे बर पर परथे।
आज हमर तिर जतेक ताकत हावय तेकर उपयोग हम आजे कर सकत हन। अगर आज हम ए ताकत के उपयोग नइ करबो तब ए ह बेकार हो जाही अउ ए ताकत के उपयोग हम कल नइ करे सकन एहू ह अड़बड़ सोचे के बात हरय। बीते समे फेर लहुट के नइ आवय एहू ह खच्चित बात आय। तब हमन ल अपन जिनगी के ह एक पल के सहीं उपयोग कर लेय बर चाही। जब तक हमर हाथ-गोड़ चलत हे तब तक।
हमन अपन देह के कतको जतन करन, फेर एक न एक दिन ए तन ह अपन ताकत ला खो दिही। सब दिन जांगर एक बरोबर नइ चलय। देखते-देखत उमर पहा जाथे। पते नइ चलय के कब सियानी अवस्था आ गे। अब तो मनखे के उमर घलो घटत जात हवै। तइहां के सियानमन 100 बछर तक सुखी जीवन जी लेवत रहिन हें। अब तो चालीस पार करे के बाद सोचे ल परत हे के हमन सुवस्थ हावन के नइं।
ए जम्मों बात के एके मतलब होथे के जिनगी के कोनो भरोसा नइये। ऐकरे सेती हमन ल जियतभर अपन जिनगी ल भरपूर जिये के कोसिस करे बर चाही। सियान बिना धियान नइ होवय। तभे तो उंकर सीख ल गठिया के धरे म ही भलाई हे। सियानमन के सीख ल माने म ही भलाई हे।
Copyright © 2024 Patrika Group. All Rights Reserved.