सावधानी ए बचाव के उत्तम उपाय

बिचार

ग रमी के मौसम म बहुत तात-तात हवा चलत रहिथे। घर ले निकले के मन नइ करय। सूरजदेव ह आकास ले आगी बरसात रहिथे। धरती ह लक-लक ले तीप जथे अउ अब्बड़ भोंभरा जरे ल धर लेथे।
जादा घाम म निकले ले कतकोन किसम के बेमारी घलो हो जथे। जइसे मनखे ल चक्कर आ जथे। फोड़ा- फुंसी हो जाथे। पेट म पीरा होथे। अनपचक हो जथे। उल्टी-दस्त हो जथे अउ बुखार घलो धर लेथे। मनखे ल झोला (लू) लग जथे। ऐकर सेती गरमी के मौसम म बहुत सावधानी बरते बर चाही अउ गरमी ले बच के रहे बर चाही। मनखे ल कुछु न कुछु काम से बाहिर निकले ल पर जथे त घाम ले बांचे बर कुछु उपाय कर ले बर चाही।
झोला (लू) सेे बचे के उपाय
गरमी के मौसम म घाम ले बचे बर मुड़ म साफी बांध ले बर चाही या छाता धर के जाय बर चाही।
– पानी के उपयोग जादा करे चाही। हमेसा पानी पीके बाहिर निकले बर चाही।
– खाली पेट नइ निकले बर चाही। कुछु न कुछु खा-पी के निकले बर चाही।
– नींबू पानी के उपयोग जादा करे बर चाही।
– गोंदली ल खींसा म धर के जाय बर चाही।
– सूती कपड़ा के जादा उपयोग करे बर चाही।
– जादा मिरची मसाला वाला खाना नइ खाय बर चाही।
– फल-फूल अउ जूस के उपयोग जादा करे बर चाही।
– कूलर या एसी ले निकल के तुरते घाम म नइ जाय बर चाही।
– घाम ले आय के बाद तुरते जुड़ (ठंडा) पानी नइ पी बर चाही।
ए सब सावधानी बरते ले मनखे ह लू लगे या बेमारी से बच सकत हे। मनखे ल हर बखत सावधानी बरते बर चाही। खासकर लइकामन ल घाम ले बचा के रखे बर चाही। ऐ सेती कहिथें ‘सावधानी हटी, त खतरा घटी।Ó