script

गरमी म बीमारी ले बांचे बर का करे बर चाही?

locationरायपुरPublished: Jun 05, 2019 05:24:17 pm

Submitted by:

Gulal Verma

पीये के पानी ल सुद्ध रखे बर चाही

cg news

गरमी म बीमारी ले बांचे बर का करे बर चाही?

गरमी के बेरा मनखेमन ल किसम-किसम परकार के बीमारी घेरे रइथे। पानी के परयोग ए बेरा म बहुत सोच बिचार के करे बर चाही। काबर अबड़ अकन रोग के सुरुआत पानी ले होथे। कलोरिन के गोली पाउडर ल बेरा-बेरा म कुआं, बोरिंग म डारे ले पानी के कीरामन मरे लागथे। काबर गरमी के बेरा म जल के सरोत ह भुइंया तरी चल देथे। जेकर सेती भुइंया के जीवानुमन पानी म उपला लागथे। जेकर सेवन करे के सेती हमर सरीर बीमार परे लागथे।
गरमी के बेरा म मनखेमन ल पउधा लगाय अउ जागे पउधा म पानी रितोए के बुता जरूर करे बर चाही। जेकर से गरमी के परभाव कुछ कम करे जा सकय हे। नवा जुग म उदयोग, पावर पलांट के बाढे ले, रूख-राई ल काटे ले, किसम-किसम के मसीन लगाय ले परियावरन म गरमी बाढे बाढ़त हे। परियावरन के फिकर आम मनखेमन के संग म सरकार तको ल करे बर चाही। जिहां रूख-राई काटे हे उहां पौधरोपन अभियान चलाय बर चाही। परियावरन म संतुलन बने रइही तभे धरती के ताप ह कम हो सकत हे।

ट्रेंडिंग वीडियो