कुसियार रस ले रोग होथे दूर े

खान-पान

सु वाद अउ गुन म निच्छट नम्बर एक हे कुसियार के रस ह। तिपत घाम के बखत म जगा -जगा निम्बायु ल डार पेरत रथे। वोला एक गिलास पीके चोला ल बढ़ सुहाथे। कुसियार रस ह पराकरीति रूप ले सुवास्थ बर अब्बड़ फायदामंद होथे।
ऐहा ऐंटी ऑक्सिडेंट ले समरिद्ध हे। एकर रस ह रोग ले लड़थे अउ रोग ल रोके के सक्ति ल बढ़ाथे। ऐमा आयरन, मैग्नीशियम, कैल्सियम अउ अन्य इलेक्ट्रोलाइट्स रहिथे।डिहाइड्रेसन के बर बढिय़ा हे। ऐकर अतेक गुन हे कि छोट-मोट सरदी अउ दूसर रोगमन ल ठीक करे के काज करथें।बुखार ले घलो लड़थे। सरीर के परोटीन स्तर ल बढ़ाथे।
थकान ह माढ़थे
– ऐमा कार्बोहाइड्रेट, परोटीन, आयरन, पोटैसियम अउ आनी-बानी आवस्यक पोसक तत्व होथे।
– एक गिलास कुसियार के रस उरजा के घटत स्तर ल बढ़ाथे।
– ऐहा प्लाज्मा अउ सरीर म तरल जिनिस बनाथे।
– कुसियार के रस सरीर म बहुत अकन इंफेक्सन म राहत देथे। गुरदा, पथरी के इलाज म मदद करथे। गुरदा के समुचित कारज ल सुनिस्चित करथे।
– कुसियार के खनिज म अब्बड़ सुखद होथ। जोन दांत के सडऩ उ खराब सांस ल रोके म मदद करथें।
– कुसियार के रस लिवर ल मजबूत बनाथे। पीलिया बीमारी म फायदेमंद होथे। परोटीन के कमी ल पूरा करथे। पोसन परदान करथे।
– आयुरवेद म बतात गे हावय कि कुसियार के रस ले कब्ज म राहत मिलथे। ऐमा छारीय गुन होथे। जेकर मतलब ये अम्लता अउ पेट के जलन के इलाज के बर अच्छा होथे।
खनिज से भरपूर
– कुसियार रस ह किडनी स्टोन अउ सकरमन ल दूर करथे।
– पीलिया म फायदेमंद आयरन, मैग्नीसियम अउ कैल्सियम से भरपूर होथे।
– आयरन अउ विटामिन ए, सी, बी1, बी2, बी3, बी4, बी5 और बी6, परोटीन के संग बहुतेच मातरा म होथे ।