script

बिदई धुन म भोकवा के भांगड़ा

locationरायपुरPublished: Sep 17, 2019 05:17:01 pm

Submitted by:

Gulal Verma

गोठ के तीर

cg news

बिदई धुन म भोकवा के भांगड़ा,बिदई धुन म भोकवा के भांगड़ा

देवलोक ले जादा चमत्कार तो हमर धरती लोक म होवत हे। अब धान के बोनी के पइत पानी नइ बरसिस, जब जनता कुपित होगे त डर के मारे भगवान पानी ल बरसाइस अउ अतेक बरसाइस के गनेस भगवान ल उठाके बोरे लागिस। वइसे
भी ऐसो के चंदा मंदी के मंदा हे। न नौकरी मिलत हे न बेपार चलत हे। तेन पाए के भगवान मंच म सब सकलाए परत हे, झपाय परत हे। सोच म ए हे के आखिर म भगवानेच हत तारही। घर ले जादा बाहिर के चिंता, बाहिर याने समिति-सेवा अउ चंदा कइसे सकलाही। चखना वाले ठेला म खड़े-खड़े बइठका होगे। लोन बटइया मुखिया ह समिति के चंदा किताब ल छपवा के ले आनिस। रेती खदान के ठेकेदार ह हाथी ले बड़े मूरति भेजवा दिस। महिला मंडलमन दिन भर भजन म बिधन होगे। न महीना म जेन लइका ह नौ तक पहाड़ा पढ़े याद नइ कर पाइस तेन ह नौ दिन म ‘अंधन को आंख दिए, कोढिऩ को कायाÓ के पहाड़ा पढ़े लगिस।
अब घरो-घर झगरा हे, का करे जाए। विध्न विनायक के स्थापना कर दिए जाए। त देख लौ जी घरो-घर गनेस भगवान बिराजे लगिस। नान-नान गनेस, लइका ले जादा हरू भगवान, लइकामन भगवान म अतेक सुधबूध हो जथे के बपुरामन उतलइन करे बर भूला जथें। एक दिन घर म बिहनिया के भोग म मोतीचुर के लाड़ू चढग़े, बारा के बजतले आधा लाड़ू गोल होगे। सांझ के बांचे आधा घलो गंवागे। दूसर दिन जब नजर गिस त खोज-खबर ले गिस त छोटू कहिस- मेहा बिहनिया देखेंव त सइधो रिहिस। सांझकुन देखेंव त आधा होगे। आधा फेर झन ऐति-तेति जाए कहिके मेहा खाय हंव। सिरतोन कथा सुनके सब हांसे लगिस। अब देव ल ठंडा करे के दिन आ गे। वोकर पहिली भोग बांटे के तइयारी माने भोग बर चंदा करे जाए। बात-बात म भोग, एकदम नवा फैसन। उसर-पुसर के खावन अउ दोना पतरी ल पांव म लतियावौ। परसाद ल परसाद कस पाय बर चाही। खाय पर चाही। समझ आ जाए त समझाय बर चाही।
अब पारी हे भगवान के बिदई के, त एहू ह कोनो तमासा ले कम नइ होवय। महराज ल दक्छिना देय बर जेन समिति म हजार-दू हजार नइ रहय, फेर डीजे बर बीस हजार आ जथे। कहां ले आथे? बिदई तो बिदई होथे। जेमा नचई-गवई नइ होवय। जाय के बारा रोवासी आथे। फेर, हमर जकहा-बइहा-भोकवामन ल हांसी आथे। अतेक हांसी, अतेक नचई-कुदई के भगवान सोचथे- महूं कहां-कहां आगेंव। बने हे दसे-गियारा दिन म जावत हंव। ए मंदिर के रहइया भगवानमन अइसन लोगन के बीच कइसे अतेक बछर ले पथरा कस पइधे हे। तेन ल उहीमन जानंय। गाना ह डीजे म चलत हे – अगले बरस तू जल्दी आ…।

ट्रेंडिंग वीडियो