सक्ति देवी अउ जसगीत

नवरात परब

म धु अउ कैटभ नांव के दूझन राक्छस ह ब्रम्हा ल मारे बर गिन त आदिसक्ति ह चमत्कार करिस अउ राक्छस मन के वध कर दीस। ऐकर बाद दुरगा के पूजा सुरू होइस। पूजा परंपरा ह आदिकाल से चलत आवत हे। बेद-पुरान म घलो देवी के स्तुति करत नइ थकय। कतकोन जगा तो नवरात के मायनेच होगे हे दुरगा पूजा करइ ह।
जसगीत याने माता के महिमा के बखान। रतनपुर के कवि म सबले पहिली बाबू रेवाराम के नांव ले जाथे। वोहा जगदम्बा के परम भक्त रिहिस। कहिथें के वोकर जुबान म महामाया बोलय। वोहा अपन जिनगी म कतको गीत लिखे हे। ‘जय देबी, जय देवी, जय जय जय जगदम्बे पालिन भुवन कदम्बे, ललित हेरम्बे हो माय।Ó।
छत्तीसगढ़ के भक्ति कवि परंपरा म राजा अमरसिंह के नांव घलो गर्व से ले जाथे। ये पहिली कवि रिहिस, बाद म हैहयवंस के राज-परंपरा म सासक (राजा) बनिस। ऐकर गीत हे- ‘ तीन लोक कस्ट हरनी भवानी, तुम हो जगत्पति रानी हो माय, कनक-रथ पर विमल बिराजे, स्वेत धजा फहरानी हो माय।Ó
कहिथें के रायपुर के पुरानी बस्ती म राजा अमरसिंह के महामाया भक्ति ल देखके वोकर सुरता म महामाया मंदिर के इस्थापना करे गे हावय। लंगुरवा के माध्यम म अमरसिंह ल सक्तिदेवी मिलिस। ऐकरे सेती महामाया मंदिर म ‘वीर लंगुरवाÓ के मूरति हावय। कवि ह लंगुरवा के बारे म कहे हावय – ‘आसन मारि सिंहासन बैठे, सिर पर छत्र तनानी हो माय, सिंह चढ़े रन गरजे भवानी, वीर लंगुरवा अगुवानी हो माय।Ó
लोगनमन म देवता कस चरित अउ राक्छस मन ल मारे के छमता मां दुरगा से मिले हावय, तेकर सेती माता सक्ति देबी के उपासना करत रहव। राजा अमरसिंह कहिथे- ‘तब महिसासुर दानव मारे, तब हम जानी भवानी हो माय, राजा अमरसिंह अरज करत हे, परसन होहू भवानी हो माय।Ó
कवि ओंकारदत्त ह लिखे हावय – ‘धन भाग ओंकारदत्त के, प्रतिदिन जस गीत गावेंव।Ó ‘जब सिरी सितला सुनतेंव, तुम्हरे आगमन हो माय, आपन अजिर लिपाय, सुगंधित गुगुर कपूर जलातेंव हो माय।Ó
कहुं-कहुं ऐला चारो जुग म देवी कहे गे हे। देवी के स्तुति म जउन गीत गाए जाथे वोमा आजकाल भले आधुनिकता समा गे हे, फेर जन-जन म सरधा अउ बिसवास आजो हावय।