script

मिलावट के समे

locationरायपुरPublished: Jun 15, 2021 03:49:05 pm

Submitted by:

Gulal Verma

कहिनी

मिलावट के समे

मिलावट के समे

बेटा के घर आय रिहिस। बिहनिया घुमे के बाद तीर के डेयरी म दूध के पैकेट लिस। बाहिर निकलिसत देखिस के दूधवाला ह अब्बड़ अकन सस्ता दूध के पैकेट लेके वोमा पानी मिलाके एक बरतन म रखत रिहिस। पूछिस त दुकानदार ह बताइस। सहर म गाय-भइंस के कमी हे। जादाझन लोगनमन पैकेट दूध से ही काम चलाथें। कुछ जुन्ना लोगनमन वोकरे से दूध लेवई ल पसंद करथें। ये गरीब लोगन ह। चारा अउ दूसर जिनिस नइ बिसा सकंय त 25 रुपिया के पैकेट लेके पानी मिला के 40 रुपिया म वसूलथें।
दुकानदार हांसिस- एक तरह से ये बनेच करथे। काबर आज के पीढ़ी ह सुद्ध जिनिस ल नइ पचा पाही। बाहिर आके दूधवाले के फोटो लेय बर चाहिस त बेटा ह मना कर दिस, काबर ककरो पेट म लात मारिन। आजकाल इही सब चलत हे। वोकर जुन्ना सिद्धांत वालेमन ये माने बर, सहे बर तइयार नइ रिहिस। मिलावट के सेती कतकोन कुपोसित होके अस्पताल म भरती हें। दुकानदार के बात वोकर कान म गूंज रिहिस। सहिच म आजकाल रिस्ता-नता म, जीवनसैली म, बेवहार म अउ सबो जिनिस म मिलावट खुसर गे हे। नवा पीढ़ी ऐकर पर बिचार करही। कुछु न कुछु उपाय निकाल लिही। ये सोच के वोला सुकून मिलिस। बिहनिया के समे दूर बादर म सूरूज निकल रिहिस।

ट्रेंडिंग वीडियो