scriptchattisgarhi sahitya | रंगमंच के बडक़ा कलाकार उदेराम | Patrika News

रंगमंच के बडक़ा कलाकार उदेराम

सुरता म

रायपुर

Published: November 08, 2021 04:43:01 pm

नाचा हमर छत्तीसगढ़ के लोक नाट्य हरे। नाचा ह मनोरंजन के साधन के संगे-संग जनजागरन के पोठ माध्यम हरे। ऐेमा एक कोति हमर छत्तीसगढ़ के रहन- सहन, खान-पान अउ संस्करीति के दरसन होथे, त दूसर कोति छुआछूत, भेदभाव, अगियानता, सोसन सहित कतको बुराई बर जमगरहा ताना रहिथे। वादक कलाकार, गायक, गायिका के संगे -संग परी अउ जोकर के हाव-भाव ह जनता ल खूब भाथे। जोकरमन हंसी- मजाक, दिल्लगी करके दरसकमन ल खुस कर देथें।
नाचा के दुनिया म स्व. मंदराजी दाऊ स्व. मदन निसाद, स्व. गोविन्द राम निरमलकर, स्व. लालू राम साहू, माला मरकाम, फिदा बाई मरकाम, निहाईक दास, झुमुक दास बघेल जइसे कला के पुजेरी होय हें। नाचा ले अपन कला यातरा सुरू करके रंगमंच अउ फिलिम के छेत्र म जउन कलाकारमन अपन एक अलग पहिचान बनइस, वोमा स्व. उदेराम सिरीवास के नांव घलो आदर के संग लेय जाथे।
बहुत सम्मान मिलिस
नाचा अउ रंग मंच के ये बडक़ा कलाकार गजब सरल, सरस अउ हंसमुख व्यक्तिव के धनी रिहिस। पाछू पांच बछर ले वोहा अपन गांव बेलटिकरी म रहत रिहिस। अइसन बेजोड़ कलाकार ह 25 अपरैल 2021 के ये दुनिया ल छोड़ के सरगलोक चलदिस। आप ला कतकोन संस्थामन प्रसस्ति पत्र देके सम्मानित करिन। 2001 म मध्यप्रदेस कला परिसद् भोपाल, संस्करीति विभाग छत्तीसगढ़ सासन म आदिवासी कला परिसद्, तुलसी साहित्य अकादमी भोपाल, 2006 म साकेत सम्मान सामिल हे।
छत्तीसगढ़ी फिलिम बेनाम बादशाह म दरसकमन के दिल जितिस।
बिदेस म घलो छागिस
सिरीवास जी रास्टरीय स्तर म करीब 90 सहर म अपन प्रस्तुति
दिस। अंतररास्टीय रंगमंच म फ्रांस 1984, स्वीडन 1987, रुस 1988, बांग्लादेश 1989, इंग्लैंड 1990, यूनान 1995, जर्मनी 2001 जइसे कतको देस म अपन सुग्घर प्रस्तुति ले प्रसंसा बटोरिस। आपमन ख्याति प्राप्त निरदेसक त्रिापुरारी सरमा 1981, रवि सरमा, एस.के.सेनगुप्ता, कार्तिक अवस्थी, लीजा बेन लंदन 1985, राम हृदय तिवारी 2003 अउ उसा गांगुली 2005 के सान्निध्य म काम करे हो।
उदय राम के परतिभा ल देख के हबीब तनवीर ह नया थियेटर दिल्ली म सामिल होय के नेवता दिस। छत्तीसगढ़ के दूसर कलाकार जइसे सिरीवासजी ह घलो 1975 म नया थियेटर ले जुडग़े। वोहा रंगमंच के बिस्स प्रसिद्ध नाटक चरन दास चोर, आगरा बाजार, बहादुर कलारिन, गांव के नांव ससुराल, मोर नांव दमाद, मुद्रा राक्छस, मिट्टी की गाड़ी, साजापुर की सांति बाई, दुरयोधनए जिन लाहौर नइ देख्या, काम देव का सपना, बसंत रितु, अपना, सोम सागर, बेनी संहार, राज रक्त म अभिनय करके अपन अभिनय सैली के लोहा मनवाइस
उदेराम सिरीवास ह नाचा के नकल राजकुमार, माया परीक्छा, कुम्हड़ा चोर, बुडऱा साधु, लमसेना, साहब-चपरासी, भाई बंटवारा, लेडग़ा, जानी चोर, महापरसाद, पोंगा पंडित म अभिनय करके अंचल म अपन एक अलग छाप छोडि़स। पोंगा पंडित म परमुख अभिनेता के रूप म काम करिस। स्याम बेनेगल के संग फिलिम चरनदास चोर म काम करिस। ‘एक चोर ने नाम कमाया जी सच बोल के’ गाना दरसक के जबान मा छा जा रहय।् बेंडिड क्वीन अउ पीपली लाइफ म अभिनय करे के मौका मिलिस।
रंगमंच के बडक़ा कलाकार उदेराम
रंगमंच के बडक़ा कलाकार उदेराम

सबसे लोकप्रिय

शानदार खबरें

Newsletters

epatrikaGet the daily edition

Follow Us

epatrikaepatrikaepatrikaepatrikaepatrika

Download Partika Apps

epatrikaepatrika

Trending Stories

Video Weather News: कल से प्रदेश में पूरी तरह से सक्रिय होगा पश्चिमी विक्षोभ, होगी बारिशVIDEO: राजस्थान में 24 घंटे के भीतर बारिश का दौर शुरू, शनिवार को 16 जिलों में बारिश, 5 में ओलावृष्टिदिल्ली-एनसीआर में बनेंगे छह नए मेट्रो कॉरिडोर, जानिए पूरी प्लानिंगश्री गणेश से जुड़ा उपाय : जो बनाता है धन लाभ का योग! बस ये एक कार्य करेगा आपकी रुकावटें दूर और दिलाएगा सफलता!पाकिस्तान से राजस्थान में हो रहा गंदा धंधाइन 4 राशि वाले लड़कों की सबसे ज्यादा दीवानी होती हैं लड़कियां, पत्नी के दिल पर करते हैं राजहार्दिक पांड्या ने चुनी ऑलटाइम IPL XI, रोहित शर्मा की जगह इसे बनाया कप्तानName Astrology: अपने लव पार्टनर के लिए बेहद लकी मानी जाती हैं इन नाम वाली लड़कियां

बड़ी खबरें

पंजाब विधानसभा चुनाव के लिए बीजेपी ने जारी की पहली लिस्ट, 34 उम्मीदवारों को दिया टिकटराष्ट्रीय युद्ध स्मारक में विलय की गई अमर जवान ज्योति की लौ; देखें VIDEO'हिजाब' पर कर्नाटक के शिक्षा मंत्री के बयान पर बवाल! जानिए क्या है पूरा मामलादिल्ली उपराज्यपाल ने आप सरकार के प्रस्ताव को किया खारिज, वीकेंड कर्फ्यू हाटने और प्रतिबंधों में ढील से इनकारMizoram Earthquake: मिजोरम में महसूस किए गए भूकंप के झटके, रिक्टर पैमाने पर रही 5.6 तीव्रताBJP की दूसरी लिस्ट जारी: 85 प्रत्याशियों में 15 महिलाएं, अदिति सिंह रायबरेली, रामवीर उपाध्याय को सादाबाद से टिकट, IPS असीम को मिला कन्नौजकोरोना की रफ्तार से ऑफलाइन हो सकती है 12वीं-10वीं की बोर्ड परीक्षा! CGBSE ने की ये तैयारीBHU के रजत जयंती से जुड़ी गांधी की स्मृतियों को NSUI ने किया याद
Copyright © 2021 Patrika Group. All Rights Reserved.