scriptchattisgarhi sahitya | नदागे हरबोलवा | Patrika News

नदागे हरबोलवा

समाज

रायपुर

Published: November 08, 2021 04:55:05 pm

छत्तीसगढ़ म हरबोलवा ह मंगलगान अउ सुख समरिद्धि के परतीक आय। पहिली राजा -महाराजामन के समे म हरबोलवामन उंखर राज के यसोगान करंय अउ वोकर राज्य के परजामन बर मंगलकामना करंय। फेर बेरा बखत के संग राजवंसीय सासन चुकता बंद होगे। छोटे-बड़े सबे रियासत ह मिल के लोकतंत्र सासन म आ गे। तब हरबोलवामन राजामन के दायरा ले निकल के गांव डहर के रद्दा धर लिन।
गांव म संझा होय के बाद जाके रात के 3 से 4 बजे के बीच नहा के उहां के बीच मंझोत के बस्ती म कोनो बडक़ा रुख म चघ के मुंधरहा ले गांव के मनखेमन बर मंगलकामना करत जोर-जोर से चिल्ला के पहटिया बेर के उवत ले ये कारज ल करंय। गांव के सियानमन बताथे कि हरबोलवामन गांव के मनखेमन के नाव लेके अउ नाव के संग जय हो कहिके आवाज लगांय। ये हरबोलवामन के बिसेस गुन रहिस कि लोगनमन ले बगैर जान-पहिचान के उंकर नाव ल जान लेवंय।
अइसे तको केहे जाथे कि हलबोलवा ल जतका जादा दान करे जाय, वोतका अच्छा वो बछर म पानी आवय अउ अन्न-धन बारी बखरी म साग.भाजी ह बने होवय। जब गांव वालेमन हरबोलवा के आवाज ल सुन के आवय त उंकरमन ले जतका बनय अपन-अपन घर ले सुपा म सेर चाउर लानय अउ हरबोलवा के जठाय कपड़ा म रुको के चल देवंय। हरबोलवामन बेर उवे के बाद रुख ले उतर के जतका भी दान दक्छिना सकलाय रहय वोतके ल ही धर के जावय।
छत्तीसगढ़ ल वइसे भी दया-धरम के राज केहे जाथे। जिहां जेन भी घुमंतू जाति के मनखे हो, चाहे धारमिक साधु बाबा होवय अब्बड़ मान-गउन पाथे। तेकरे आसिस आय की इहां के मेहनतकस मनखेमन जुग-जुग खुस रहिथे अउ अन्न-धन ले भरे रहिथे।
अब के ग्राम्य जीवन ह आधुनिकता के रंग म रंगत तकनीकी बिकास के रद्दा म दिनोदिन आघु बढ़त हे अउ ऐकरे सेती आज के आधुनिक समाज म पुरखामन ले चले आवत कतको अकन ले जुन्ना रीतमन नदागे। ये रद्दा म रेंगइया संगीमन अपन जीविका जिए बर आने रोजगार म लगगें। फेर, समे कतको आघू निकल जाय उंकर कारज के सुरता ह नइ बिसराय। जेन बुता घुमंतू जाति के संगीमन करत रिहिस। आज घलो कभु-कभु अंतस म हिलोर लेवत बचपन के हरबोलवा के सुरता देवावत वोकर अवाज ह हिरदे म हिलोर मारत रहि जाथे। फेर उंंकर नदाय अवाज संउंहत सुने बर नोहर हो जथे।
नदागे हरबोलवा
नदागे हरबोलवा

सबसे लोकप्रिय

शानदार खबरें

Newsletters

epatrikaGet the daily edition

Follow Us

epatrikaepatrikaepatrikaepatrikaepatrika

Download Partika Apps

epatrikaepatrika

बड़ी खबरें

पंजाबः अवैध खनन मामले में ईडी के ताबड़तोड़ छापे, सीएम चन्नी के भतीजे के ठिकानों पर दबिशPunjab Assembly Election 2022: पंजाब में भगवंत मान होंगे 'आप' का सीएम चेहरा, 93.3 फीसदी लोगों ने बताया अपनी पसंदUttarakhand Election 2022: हरक सिंह रावत को लेकर कांग्रेस में विवाद, हरीश रावत ने आलाकमान के सामने जताया विरोधUP Election 2022 : अखिलेश के अन्न संकल्प के बाद भाकियू अध्‍यक्ष का यू टर्न, फिर किया सपा-रालोद गठबंधन के समर्थन का ऐलानभारत के कोरोना मामलों में आई गिरावट, पर डरा रहा पॉजिटिविटी रेटकौन हैं भगवंत मान, जाने सबकुछशुक्र जल्द होंगे मार्गी, इन 5 राशि वालों को धन की प्राप्ति के बन रहे योगयहां पुलिस ने उठाया नक्सल प्रभावित गांवों के बच्चों को पढ़ाने का जिम्मा, नि:शुल्क कोचिंग में सपने गढ़ रहे छात्र
Copyright © 2021 Patrika Group. All Rights Reserved.