scriptchote priwar rkhaw au noni-babu duno la bne pdaw-likhaw | बिराजो के हिम्मत | Patrika News

बिराजो के हिम्मत

बिराजो ह अपन चार लर के करधन ल बेच के मीना ल पढ़इस-लिखइस। पढ़े-लिखे मीना के देखते-देखत इस्कूल म नौकरी लग गे। अब मीना अपन नौकरी की पहिली पगार ल अपना दाई ल देवत कहे लागिस- दाई तोला अब दूसर घर रोजी -मजदूरी करे के जरूरत नइये। मेहा कमाहूं, तेहा घर म रहिबे।

रायपुर

Published: September 12, 2022 04:34:33 pm

रोजी-मजदूरी करइया बोधन अउ बिराजो के परिवार ह बेटा के अगोर म बाढ़ गे राहय। गांव के मितानिन दीदी ह बोधन अउ बिराजो ल समझावत थक गे। फेर, बोधन ह एकझन बेटा पाय के आस लगाय रहय। देखते-देखत म छेझन बेटी होंगे। बोधन ल घर-परिवार के सुध नहीं रहय। बिराजो ह घर-परिवार ल संभाले रहय।
चिरई चुरगुन के आवाज़ ल सुन के बिराजो ह बड़े बिहिनिया ले उठ जतिस अउ कोठा म बंधाय गाय गरवा के गोबर कचरा ल साफ करके पैरा भूसा देतिस। घर-दुवार ल ल लिप-बहार के बिराजो ह चूल्हा म चाय ल मड़ातिस त बोधन ह आंखी ल रमजत उठतिस।
चाय बस ल पीके बोधन ह घर ले निकलतिस त उहीं संझा बेरा आतिस। न नहवई के ठिकाना, न खवई के। दिन रात मंद-महुआ के नसा म चूर रहय।
बिराजो ह चउर-दार बर चार पइसा कमा के लातिस त बोधन ह मंद महुआ म उड़ा देतिस। संझा बेरा घर आतिस अउ घर म झगरा मतातिस।
रोज रोज के झगरा, घर-परिवार के काम-बुता अउ छे-छे झन नोनी के सेवा जतन म बिराजो के जिनगी ह खुआर होगे रहय। गहना-जेवर ला बेच-बेच के बिराजो ह अपना बेटीमन ल पढ़ावत लिखावत रहय।
एक दिन बोधन ह रोज कस चाय ल पीके घर ले निकलिस लटलट ले मंद महुआ ला पीके सांझा बेरा घर आइस। घर आके घटिया म ढलंग गे। रतिहा बेरा म बोधन ह बिराजो ल हुत करावत कहे लगिस। मोर छाती ह अब्बर पिरावत हे बिराजो, पानी दे तो ओ! बिराजो ह पानी ल झटकुन लइस अउ बोधन ल पियावत रहय। उही बेरा म बोधन ल जोर से हिचकी अइस अउ वोहा परान ल तियाग दिस। चार बीजा चाउर ल घलो नइ टिके सकिस।
बिराजो ह रोवत-रोवत बेसुध होगे। नोनीमन बाबू -बाबू कहिके गोहारपार के रोये लागिन। बिराजो के जिनगी म अंधियार छागे। सात जनम के संग देवइया पति बिना बिराजो के जिनगी ह अभिरथा होगे।
दुख-पीरा ल सहत सहत बिराजो ह जिनगी के गाढ़ी ल अपन छेझन बेटी संग चलाए लगिस। पढ़ई के संग-संग महतारी के काम म बेटीमन हाथ बटाए लगिस। चार पइसा बिराजो ह कमा के लातिस त उही पइसा म घर के गुजर बसर करतिस। थोकिन पइसा बचा के घलो राखतिस।
एक दिन बिराजो ह आधा रात किन खटिया म बइठे -बइठे गुनत रहय। ता सबले बडक़ा बेटी मीना ह अपन महतारी ले कहिथे-दाई तेहा आधा रातकुन का सोचत-गुनत हस? बेटी के गोठ ल सुन के बिराजो ह कहिथे- बेटी तोर उमर ह बर-बिहाव करे के होंगे हे। बने असन सगा देख के तोर जयमाला बिहाव कर देतेंन कहिके सोचत रहेव बेटी। मीना कहिथे- अभी बिहाव नइ कराव दाई, मेहा पढ़हूं-लिखहूं।
बिराजो ह अपन चार लर के करधन ल बेच के मीना ल पढ़इस-लिखइस। पढ़े-लिखे मीना के देखते-देखत इस्कूल म नौकरी लग गे। अब मीना अपन नौकरी की पहिली पगार ल अपना दाई ल देवत कहे लागिस- दाई तोला अब दूसर घर रोजी -मजदूरी करे के जरूरत नइये। मेहा कमाहूं, तेहातेहा घर म रहिबे। बिराजो के गरीबी अउ दुख के दिन ह बीते लागिस। मीना ह अपन छोटे बहिनीमन स घलो पढ़ईइस-लिखईस। सबो के सबो बहिनी के नौकरी घलो लग गे। बिराजो के तीनझन बेटी इस्कूल म मस्टरीन बनगे। तीनझन बेटीमन डाक्टर बनके बीमार मनखेमन के दुख पीरा ल दूर करे लागिस।
बिराजो अपन छेझन बेटी के संग समाज म सिक्छा के अलख ल जगाइस अउ मंद-महुआ, तास, जुआ, गांजा, भांग जइसन दुनिया भर के नसा ले बाचे के संदेसा देय लगिस। बेटी के महत्ता ल बताए लागिस। बेटी घलो बेटा ले काम नइ आए। बेटा के आस म अपन परिवार ल झन बढ़ावव। छोटे परिवार राखव अउ बेटा-बेटी दूनों ल एक समान सिक्छा-दीक्छा देवव।
बिराजो के हिम्मत
बिराजो के हिम्मत

सबसे लोकप्रिय

Newsletters

epatrikaGet the daily edition

Follow Us

epatrikaepatrikaepatrikaepatrikaepatrika

Download Partika Apps

epatrikaepatrika

Trending Stories

Weather Update: राजस्थान में बारिश को लेकर मौसम विभाग का आया लेटेस्ट अपडेट, पढ़ें खबरTata Blackbird मचाएगी बाजार में धूम! एडवांस फीचर्स के चलते Creta को मिलेगी बड़ी टक्करजयपुर के करीब गांव में सात दिन से सो भी नहीं पा रहे ग्रामीण, रात भर जागकर दे रहे पहरासातवीं के छात्रों ने चिट्ठी में लिखा अपना दुःख, प्रिंसिपल से कहा लड़कियां class में करती हैं ऐसी हरकतेंनए रंग में पेश हुई Maruti की ये 28Km माइलेज़ देने वाली SUV, अगले महीने भारत में होगी लॉन्चGanesh Chaturthi 2022: गणेश चतुर्थी पर गणपति जी की मूर्ति स्थापना का सबसे शुभ मुहूर्त यहां देखेंJaipur में सनकी आशिक ने कर दी बड़ी वारदात, लड़की थाने पहुंची और सुनाई हैरान करने वाली कहानीOptical Illusion: उल्लुओं के बीच में छुपी है एक बिल्ली, आपकी नजर है तेज तो 20 सेकंड में ढूंढकर दिखाये

बड़ी खबरें

माकन की विधायकों ने की फजीहत, जयपुर में किंगमेकर बने गहलोत, दिल्ली दरबार नाराजचीन को जबर्दस्त झटका: लॉन्च के 3 सप्ताह के भीतर भारत में ही शुरू हुई iPhone 14 की मैन्यूफैक्चरिंग, यहीं से होगा निर्यातप्रधानमंत्री नरेंद्र मोदी जापान के पूर्व PM शिंजो आबे के अंतिम संस्‍कार में होंगे शामिलMaharashtra: बीजेपी विधायक राम कदम ने आदित्य ठाकरे पर बोला बड़ा हमला, लोगों को गुमराह करने का लगाया आरोप; जानें मामलाक्रिप्टो का तिलिस्म: डेढ़ साल में 46 हजार लोगों के साथ हुई धोखाधड़ी, यूएन की रिपोर्ट में खुलासापटियाला जेल में मौन व्रत पर गए सिद्धू, पत्नि नवजोत की अपील- '5 अक्टूबर तक न जाएं मिलने'NASA DART Mission: 27 सितंबर को सुबह 4.44 बजे होगी धरतीवासियों की परीक्षा, एस्टेरॉयड्स की टक्कर से बचेंगे या नहीं, यहाँ देखें Liveगुलाम नबी आजाद ने की नई पार्टी की घोषणा, 'डेमोक्रेटिक आजाद पार्टी' रखा नाम
Copyright © 2021 Patrika Group. All Rights Reserved.