scriptchunyi ke phili kre wada la rajnitik dalman pura nyi kray | बात देस के जनता ल चुनई-दर-चुनई ठगे के! | Patrika News

बात देस के जनता ल चुनई-दर-चुनई ठगे के!

locationरायपुरPublished: Nov 14, 2022 04:24:45 pm

Submitted by:

Gulal Verma

हमन लइका रहेन त ‘गरीबी हटाओ’ के नारा चलत रिहिस। अब सियान होवत हन त ‘गरीबी भगाओ’ के नारा चलत हे। लडक़पन म ‘हटाओ’ म बिसवास करेन, होइस उल्टा। गरीबी तो नइ हटिस, गरीबमन हटे बर धर ले रिहिन। अब तक गरीबी नइ हटिस।

बात देस के जनता ल चुनई-दर-चुनई ठगे के!
बात देस के जनता ल चुनई-दर-चुनई ठगे के!
मितान! पता हे हमर देस के नेता अउ साहबमन ल सबले जादा चिढ़ का बात से होथे? काबर वोमन खिसिया जथें? सिकायत से। वोमन छटपटा जथें, जब कोनो जनता वोकरमन से वोकर विभाग के कमी बताथे।
सिरतोन! आपमन कोनो साहब के तीर जाके कहिके तो देख के साहब, आपमन के विभाग म ये काम नइ होवत हे। ये गड़बड़झाला होवत हे। नानकीन काम ह घलो बछरभर म नइ होवत हे। वोहा सुनतेच नाक-मुंह ल अइंठे बर धर लिही। यदि सुनही त अइसे सुनही जइसे आपमन वोला करेला के सरबत पिया देय हव।
मितान! कतकोन विभागमन म तो बड़े-बड़े अक्छर म लिखाय रहिथे के सिकायत लिखे बर रजिस्टर हे। फलांना कना, फलांना जगा रखाय हे। फेर, जइसे आपमन रजिस्टर मांगहू, तहां विभाग के सबोझन बहानाबाजी करे बर धर लेथें।
सिरतोन! कतकोन पइत तो उल्टा सिकायत करइया ऊपर चढ़ बइठथें। जइसे काम नइ होय बर उही जिम्मेदार हे। एक पइत के बात तो सुरता होही आपमन ल। एकझन सैनिक ह वोला खाय बर मिले जेवन अउ नास्ता के फोटो सोसल मीडिया म डार के सिकायत कर दिस। वोकर बर सरकार, साहेब सबो गुस्सागे।
मितान! इही असल खेल हे जउन घर, समाज अउ सरकार तीनों म बड़े मजा से चलत हे। घर के बात घर म रहय, ये सबो परिवार चाहथें। बेटा कतकोन गलत-सलत काम करय, फेर दाई-ददा वोला छुपावत रहिथें। गुस्सैल बेटी ल गऊ कस सांत बता के बिहाव करथें। वोहा ससुरार जाके अइसे तांडव मचाथे के पूछव झन। बेटी ल रोटी बेले बर घलो नइ आवय, फेर बढिय़ा जेवन बनाथे कहिके बढ़ा-चढ़ा के बताथें। समाज घलो ह अइसन करथे अउ सरकार के तो पूछव झन। भरस्टाचार के बात ल छुपई ल सरकारमन अपन जन्मसिद्ध अधिकार मानथें।
सिरतोन! लागथे सिकवा-सिकायत के कोनो अंत नइये। जइसे राजनीतिक दल अउ वोकर नेतामन के वादाखिलाफी के नइये। हमन लइका रहेन त ‘गरीबी हटाओ’ के नारा चलत रिहिस। अब सियान होवत हन त ‘गरीबी भगाओ’ के नारा चलत हे। लडक़पन म ‘हटाओ’ म बिसवास करेन, होइस उल्टा। गरीबी तो नइ हटिस, गरीबमन हटे बर धर ले रिहिन। अब तक गरीबी नइ हटिस।
मितान! एक पइत चुनई के पहिली लाखों रुपए खाता म आय के नारा घलो दे रिहिन। सबो वोकर बात म आगिस। फेर, फुटी कौड़ी घलो नइ मिलिस। सब ठगागें। बेरोजगारी, महंगई कमतियाय के बात घलो करे रिहिन। फेर, दूनों बाढ़त जावत हे। सत्ता पाइन तहां कुरसी के नसा म कहिदिन ऐहा तो ठठ्ठा-दिल्लगी रिहिस। हमन तो चुनई के समे अइसने कहि दे रहेन। बने दिन आय के रद्दा देखइया जनता के दिन के संग दिन-रात दूनों बिगड़ गे। दिन बहुरे के सपना ह सपनेच रहिगे। वइसने हमर परदेस म चुनई के पहिली सराबबंदी करे के वादा करे करिन। फेर, अब तक चारों डहर सराब के नरवा-नदिया बोहातेच हे।
जब चुनई जीते बर, कुरसी हथिया बर, जनता ल ठगई, वोकर से लबारी मरई ह नेतामन के आदत होगे हे। गरीबी ह कोनो पहाड़ नोहय, अंगद के पांव नोहय जउन ह नइ हट सकय। तभो ले नइ हटावत हें। चुनई-दर-चुनई जनता ल ठगत जावत हें। ऐकर से उबरे के कोनो उम्मीद नइ दिखत हे, त अउ का-कहिबे।

सम्बधित खबरे

सबसे लोकप्रिय

Newsletters

epatrikaGet the daily edition

Follow Us

epatrikaepatrikaepatrikaepatrikaepatrika

Download Partika Apps

epatrikaepatrika

Trending Stories

Weather Update: राजस्थान में बारिश को लेकर मौसम विभाग का आया लेटेस्ट अपडेट, पढ़ें खबरTata Blackbird मचाएगी बाजार में धूम! एडवांस फीचर्स के चलते Creta को मिलेगी बड़ी टक्करजयपुर के करीब गांव में सात दिन से सो भी नहीं पा रहे ग्रामीण, रात भर जागकर दे रहे पहरासातवीं के छात्रों ने चिट्ठी में लिखा अपना दुःख, प्रिंसिपल से कहा लड़कियां class में करती हैं ऐसी हरकतेंनए रंग में पेश हुई Maruti की ये 28Km माइलेज़ देने वाली SUV, अगले महीने भारत में होगी लॉन्चGanesh Chaturthi 2022: गणेश चतुर्थी पर गणपति जी की मूर्ति स्थापना का सबसे शुभ मुहूर्त यहां देखेंJaipur में सनकी आशिक ने कर दी बड़ी वारदात, लड़की थाने पहुंची और सुनाई हैरान करने वाली कहानीOptical Illusion: उल्लुओं के बीच में छुपी है एक बिल्ली, आपकी नजर है तेज तो 20 सेकंड में ढूंढकर दिखाये

बड़ी खबरें

गुजरात चुनाव LIVE: पहले चरण के मतदान के छह घंटे पूरे, दोपहर 1 बजे तक 34.48 % वोटिंगगुजरात चुनावः खरगे के रावण वाले बयान पर बोले PM मोदी- जितना कीचड़ उछालोगे उतना कमल खिलेगागुजरात में वोटिंग से बीच बड़ा बवाल, BJP प्रत्याशी पर जानलेवा हमला, कांग्रेस पर आरोपएलएसी के पास चीन बना रहा एक और सैन्य चौकी, अमेरिकी सांसद ने खोली पोलदुनिया के टॉप-100 सबसे ज्यादा कमाने वाले खिलाड़ियों की सूची में सिर्फ एक क्रिकेटर विराट कोहलीबढ़ती गर्मी रोकने को भारत में कूलिंग क्षेत्र में 1.6 ट्रिलियन डालर के निवेश की संभावना, रोजगार भी बढ़ेगा : वर्ल्ड बैंकAIIMS सर्वर हैक के बाद जल शक्ति मंत्रालय का भी ट्विटर हैंडल हैकश्रद्धा के कातिल आफताब का नार्को टेस्ट, हत्या से जुड़े अहम राज खुलेंगे आज!
Copyright © 2021 Patrika Group. All Rights Reserved.