scriptgarmi m har bachar katkon chiraee-chirgun, garva mar jthe | मनमाड़े आगी बरसत हे अकास ले | Patrika News

मनमाड़े आगी बरसत हे अकास ले

ए बछर गरमी जादा बाढ़ गे हे। बाढऩा चाही! बाढ़ही तभे तो मनखेमन चेतहीं! वइसे, हर बछर थोर-थोर करके गरमी बाढ़त जावत हे। हमन तरिया, कुआं ल पाटन हन। बरसात के पानी ल सकेल के नइ रखत हन। रूख-राई ल काटत हन। रुख-राई नइ रहि त गरमी तो बाढ़बेच करही!

रायपुर

Published: May 02, 2022 04:43:03 pm

आज बहुचेत गरमी हे। वइसे काली घलो कम नइ रहिस हे। फेर, आज थोरकिन जादा हे। अभी ले ये हाल हे त आगू का होही! अखबार म समाचार पढ़ेंव के देसभर म रिकार्ड तोड़ गरमी परत हे। त अपन गांव के नानपन के संगवारी ल वोकर राजी-खुसी पूछे अउ गांव के हाल-चाल जाने बर फोन करेंव, का हाल हे, संगी! कइसे बीतत हावय। फेर, फोन करई ह मोला भारी परगे। मोर पूछते, गुस्सागे वोहा, बीतत तो तोर होही, इहां तो बीतावत नइ बीतत हे।
गरमी तो रइपुर म घलो परत हे। कईठन पारा-मोहल्ला, कालोनी म पानी नइये। लोगनमन रतजगा करत हें। पारा ह चइत, बइसाख, जेठ के महीना म नइ चघही त का कुवार-कातिक म चघही, ठठ््ठा करेंव मेहा।
वोहा चिढ़हत बोलिस, सिरीमान! एक तो लू के चलई, बोरिंग के सुखई, तरिया-कुआं के अंटई अउ दूसर बिजली के गुल होवई। बिजली ह ‘हरहा गरवा’ कस जब मन होथे आथे अउ जब मन होथे चल देथे। तेहां तो परदेस के राजधानी म रहिथस। उहां सउहें सरकार बइठे हे। मंतरी-साहेब जम्मो हे। तुमन ल का तकलीफ, तेकरे सेती ठठ्ठा करत हस जी, संगवारी! काहत फोन ल रख दिस।
बइसा के महीना म बाढ़े गरमी ह अवइया समे म आगी बरसे के नेवता देवई बरोबर आय। वइसे गरमी के अलगेच रोआब अउ रुतबा होथे। फेर चाहे वो मउसम के होवय या फेर पइसा अउ कुरसी के। दिमाग के गरमी वाले से कहुं पाला परगे त संबंध ह राख होय के डर बने रहिथे। गरमी म आमा घलो होथे। फेर, महंगई के गरमी अतेक के आम मनखे आमा नइ बिसाय सकय।
वइसे गरमी बाढ़े ले ‘पानी बेच के पइसा कमइया’ लोगनमन के निकल पड़े हे। बिपक्छी दल के नेता मन के नेतागिरी घलो चमकत हे। सरकार ल कोसे अउ जनता के हितवा बने के वोमन ल अब्बड़ मउका मिलत हे। जेती देखबे वोती लोगनमन पानी-पानी कहिके चिल्लावत हें। जनम के परोसी मन एक बाल्टी पानी बर दुस्मन बरोबर लड़ई-झगरा, गारी-गुप्तार, मारा-पीटी होवत हें।
ए बछर गरमी जादा बाढ़ गे हे। बाढऩा चाही! बाढ़ही तभे तो मनखेमन चेतहीं! वइसे, हर बछर थोर-थोर करके गरमी बाढ़त जावत हे। हमन तरिया, कुआं ल पाटन हन। बरसात के पानी ल सकेल के नइ रखत हन। सबो डाहर डामर, सीमेंट-गिट्टी के जंगल उगावत हन। परयावरन ल बिगाड़त हन। परदूसन फइलावत हन। रूख-राई ल काटत हन। जंगल लगाय के ककरो जांगर नइ चलत हे, फेर वोला जड़ ले काटत जावत हन। जंगल नइ रहि त गरमी तो बाढ़बेच करही!
वइसे गरमी म हर बछर कतको चिरई-चिरगुन, माल-मत्तामन पियास म मर जथें। मनखेमन मतलाहा पानी ल पीके बीमार पर जथें। बिजली ह घलो अब्बड़ पदोथे। लोगनमन दिनभर उमस म अउ रातभर भूसड़ी के चबई म हलाकान रहिथें।
जब लोगनमन बाढ़त गरमी ल देख के घलो परदूसन फइलावत हें, रूख-राई ल काटत हें, पेड़-पउधा नइ लगावत हें, पानी के बरबादी नइ रोकत हें, सरकार ह करोड़ों रुपिया खरचा करके जनता ल गरमी ले बचाय के बने बेवस्था नइ कर पावत हे। कोनो ह अपन जवाबदारी ल ईमानदारी से नइ निभावत हें, त अउ का-कहिबे।
मनमाड़े आगी बरसत हे अकास ले
मनमाड़े आगी बरसत हे अकास ले

सबसे लोकप्रिय

शानदार खबरें

Newsletters

epatrikaGet the daily edition

Follow Us

epatrikaepatrikaepatrikaepatrikaepatrika

Download Partika Apps

epatrikaepatrika

Trending Stories

Veer Mahan जिसनें WWE में मचा दिया है कोहराम, क्या बनेंगे भारत के तीसरे WWE चैंपियनName Astrology: इन नाम वाले लोगों के जीवन में अचानक से धनवान बनने का होता है योगफटाफट बनवा लीजिए घर, कम हो गए सरिया के दाम, जानिए बिल्डिंग मटेरियल के नए रेटबुध जल्द वृषभ राशि में होंगे मार्गी, इन 4 राशियों के लिए बेहद शुभ समय, बनेगा हर कामबेहद शार्प माइंड होते हैं इन 4 राशियों के लोग, बुध और शनि देव की रहती है इन पर कृपाज्योतिष: रूठे हुए भाग्य का फिर से पाना है साथ तो करें ये 3 आसन से कामराजस्थान में देर रात उत्पात मचा सकता है अंधड़, ओलावृष्टि की भी संभावनाशादी के 3 दिन बाद तक दूल्हा-दुल्हन नहीं जा सकते टॉयलेट! वजह जानकर हैरान हो जाएंगे आप

बड़ी खबरें

जम्मू कश्मीरः बारामूला में जैश-ए-मोहम्मद के तीन पाकिस्तानी आतंकी ढेर, एक पुलिसकर्मी शहीदDelhi News Live Updates: लुटियंस दिल्ली में पानी आपूर्ति बाधित, एनडीएमसी सदस्य कुलजीत चहल ने CM को लिखा पत्रसुप्रीम कोर्ट में पूजा स्थल कानून के खिलाफ दायर की गई याचिका, संवैधानिक वैधता को चुनौतीTexas Shooting: अमरीकी राष्ट्रपति ने टेक्सास फायरिंग की घटना को बताया नरसंहार, बोले- दर्द को एक्शन में बदलने का वक्तजातीय जनगणना सहित कई मुद्दों को लेकर आज भारत बंद, जानिए कहां रहेगा इसका ज्यादा असरपंजाब CM Bhagwant Mann का एक और बड़ा फैसला, सरकारी नौकरियों के लिए पंजाबी भाषा है जरूरीकपिल सिब्बल समाजवादी पार्टी के टिकट से जाएंगे राज्यसभा, बताई कांग्रेस छोड़ने की वजहशिवसेना नेता यशवंत जाधव की बढ़ी मुश्किलें, ED ने जारी किया समन
Copyright © 2021 Patrika Group. All Rights Reserved.