scriptkabirdas je andhaviswas au rudiwad ke virodhi rihis | भगती के परचारक ‘संत कबीरदासजी’ | Patrika News

भगती के परचारक ‘संत कबीरदासजी’

कबीरदास मूरति पूजा के घोर विरोध करय। निरगुन बरम्हा के उपासक रहिस। भक्ति भजन अउ सूफी बिचार म बिसवास करय। कबीरदास साधारन जिनगी ल जियत लोगनमन म एक ईस्वर, एक भगवान के भगती के परचार करय।
जयंती बिसेस... कबीरदासजी अंधविसवास अउ रूढि़वाद के विरोधी रिहिस।

रायपुर

Updated: June 13, 2022 04:43:09 pm

कबीरदास 15वीं सताब्दी के वो साधु आय जेन ह सादा जीवन, उच्च बिचार के रद्दा म चल के जाति-पाती, ऊंच-नीच अउ बड़े-छोटे के भेद ल दूर करके समाज म समता लाने के पुरजोर उदिम करीस ।
भगती के परचारक कबीरदासजी समाज म बियापत अंधविसवास अउ रूढि़वाद के घोर विरोधी रिहिस। ऐला खतम करे बर कबीरदासजी जनमानस म भक्ति के परचार करिस अउ एक भगवान के महत्तम ल बताइस।
कबीरदास के भाखा खिचरी आय, जेन ह अपन गियान के गोठ ल दोहा के माध्यम ले कहिन। दोहा के कहु गोठ होथे त कबीरदास के दोहा ह मनखेमन ल मुंह जुबानी दू-चार ठन सुरता रहिथे।
कबीरदास के जनम 1398 ई. म होइस। कबीर दास के दाई-ददा के संबंध म कोनो साक्ष्य नइ हे, फेर कहे जाथे की वारानसी के लहरतारा धाम म कबीरदास ल वोकर दाई-दादामन कमल फूल के पत्ता म छोड़ के चल दिस। जेन ल नीरू अउ नीमा नांव के मुसलमान वैवाहिक जोड़ा ह पालन-पोसन करिस।
‘मसी कागज छुओ नइ, कलम गए नइ हाथ।’
कबीरदास के इस्कूल म कागजी सिक्छा तो नइ हो पाइस, फेर कबीर दास बचपन ले अब्बड़ गियानी अउ गुनवान रिहिस। कबीर दास के गुरु रामानंद आय। सूरुवात म रामानंद कबीर दास ल अपन चेला बनाय बार तियार नइ रिहिस। फेर, कबीर के गुरु भक्ति ल देख के रामानंद ह कबीर ल अपन चेला बनाइस।
कबीर दास मूरति पूजा के घोर विरोध करय। निरगुन बरम्हा के उपासक रहिस। भक्ति भजन अउ सूफी बिचार म बिसवास करय। कबीरदास साधारन जिनगी ल जियत लोगनमन म एक ईस्वर, एक भगवान के भक्ति के परचार करय।
पूजा- पाठ के नांव म आडंबर अउ ढोंग करइया मनखेमन के कबीरदास जी घोर विरोध करय। कबीर दास अपन गोठ ल दोहा के माध्यम ले सरल भाखा म काहय। जेकर ले मनखेमन ल समझे म कोनो दिक्कत नइ होवय।
कबीरदास के जम्मो गियान के गोठ अउ दोहा ह बीजक, साखी, सबद, रमैनी म समाय हावय।
कहे जाथे कि कबीरदास के परिवार ह वारानसी के कबीर चौरा म आज घलो रहिथे। ।
कबीरदास की सरगवास 15वीं सताब्दी के विकरम संवत 1575 माघ सुक्ल एकादसी (अंगरेजी तारीख जनवरी 1518 बछर) म मगहर म होइस। कहे जाथे की मगहर कबीरदास के चुने हुए जगा आय। काबर की वो समय म मगहर के नांव म अंधविसवास फैले रहय की मगहर म जोन मनखेमन मरही वो मनखे ह अगले जनम म बेंदरा बनही अउ वोला सरग म जगा नइ मिले।
ए अंधविसवास ल समाज ले दूर करे बर कबीरदासजी अपन मउत के जगा ला पहिली ले चिन्हांकित कर डारे रिहिस अउ वो जगा आय मगहर। जिहां कबीरदासजी परयान करिस।
कबीरदास के दोहे-
दुनिया ऐसी बावरी
पाथर पूजन जाए।
घर की चक्की कोई न पूजे
जिनका पिसा खाए।
भगती के परचारक ‘संत कबीरदासजी’
भगती के परचारक ‘संत कबीरदासजी’
माला फेरत जुग गया
फिरा न मन का फेर।
करका मनका डार दे
मन का मनका फेर।

गुरु गोविंद दोउ खड़े
काके लागूं पांय।
बलिहारी गुरु आपने
गोविंद दियो मिलाय।

बड़ा भया तो क्या भया
जैसे पेड़ खजूर।
पंथी को छाया नहीं,
फल लागे अति दूर।
दु:ख में सुमिरन सब करे
सुख में करे न कोय।
जो सुख में सुमिरन करे
तो दु:ख काहे को होय।

आये है तो जायेंगे
राजा रंक फक़ीर।
ऊंचे कुल का जनमिया
करनी ऊंची न होय।

जीवन में मरना भला
जो मरि जानै कोय।
मरना पहिले जो मरै
अजय अमर सो होय।

सबसे लोकप्रिय

शानदार खबरें

Newsletters

epatrikaGet the daily edition

Follow Us

epatrikaepatrikaepatrikaepatrikaepatrika

Download Partika Apps

epatrikaepatrika

Trending Stories

मीन राशि में वक्री होंगे गुरु, इन राशियों पर धन वर्षा होने के रहेंगे आसारइन राशियों के लोग काफी जल्दी बनते हैं धनवान, मां लक्ष्मी रहती हैं इन पर मेहरबानभाग्यवान होती हैं इन नाम की लड़कियां, मां लक्ष्मी रहती हैं इन पर मेहरबानऊंची किस्मत वाली होती हैं इन बर्थ डेट वाली लड़कियां, करियर में खूब पाती हैं सफलताधन को आकर्षित करती है कछुआ अंगूठी, लेकिन इस तरह से पहनने की न करें गलतीपनीर, चिकन और मटन से भी महंगी बिक रही प्रोटीन से भरपूर ये सब्जी, बढ़ाती है इम्यूनिटीweather update news..मौसम की भविष्यवाणी सटीक, कई जिलों में तूफानी हवा के साथ झमाझमस्कूल में 15 साल के लड़के से बनाए अननेचुरल संबंध, वीडियो भी बनाया

बड़ी खबरें

Maharashtra Political Crisis: जहालत एक किस्म की मौत है, शिवसेना नेता संजय राउत ने फिर बागियों पर बोला हमलाMaharashtra Political Crisis: महाराष्ट्र के राजनीतिक घमासान के बीच अब आदित्य ठाकरे हुए आक्रामक, बागियों को ललकारते हुए कही ये बातलंबी चुप्पी के बाद सचिन पायलट का अशोक गहलोत पर सबसे बड़ा हमला: अब नहीं चूकेंगे...Mumbai Building Collapse: मुंबई के कुर्ला में चार मंजिला इमारत गिरी, दो की मौत; 12 लोगों को सुरक्षित बाहर निकाला गयाWest Bengal : मुकुल का इस्तीफा- ममता का निर्देश या सीबीआइ का डर?पीएम मोदी आज UAE दौरे के लिए होंगे रवाना, राष्ट्रपति से करेंगे मुलाकातअमरीका में दिल दहला देने वाली घटना, एक ट्रक से मिले 46 शव, अवैध तरीके से देश में घुसने की थी कोशिशदिग्गज कारोबारी पालोनजी मिस्त्री का निधन, 93 वर्ष की उम्र में ली अंतिम सांस
Copyright © 2021 Patrika Group. All Rights Reserved.