scriptnavrat me sakti upasna ke bad mahttam he | जगदम्बा के जागरित 108 सिद्धपीठ | Patrika News

जगदम्बा के जागरित 108 सिद्धपीठ

सरस्वती तीरथ म देवमाता, तटनायक म पारावारा, महालय म महाभागा, पयोस्नी म पिंगलेस्वरी, करितसौचम म सिंहिका, कारतिक छेत्र म अति सांकरी, वत्तरक तीरथ म उत्पला, सुनंदा अउ सोथा के सुंगम म देवी लोला सिद्धपीठ हे।

रायपुर

Published: April 04, 2022 05:02:58 pm

सनातन संस्करीति म सक्ति उपासना के बड़ महत्तम हे। देवी पुरान म कथा हावय के, संकरजी के बिहाव दक्छ परजापति के बेटी सती के संग होय रहिस। राजा दक्छ ह बाद म एकठन बड़े यग्य के आयोजन करिस। वोहा यग्य म सिवजी ल नेवता नइ दिस। सती ह अपन ददा के यग्य म सिवजी के मना करे के बाद घलो चल दिस। यग्य म सिवजी बर जगा नइ देख के अउ ददा के अपमान भरे गोठ ल सुन के सती ह यग्य के ठौर म अपन परान तियाग दिस।
यग्य म बिसुन अउ बरम्हा घलो नइ आइन। सती के परान तियागे के खबर ल सुन के सिवजी ह दक्छ के यग्य ल बिध्वंस कर दिस। सिवजी ह सती के मरे देह ल कांध म बोह के जंगल, पहार, ऐती-वोती बावला बनके घूमे लगिस। आखिर म भगवान बिसनु ह अपन योगमाया ले सिवजी ल मोहित करिस अउ सती के मरे देह के चक्र ले कतको कुटका कर दिस। चक्र के कटाय कुटका मन अकास अउ पताल म गिरिस। जेन 108 ठौर म अंग गिरिस, तउन ठौर ल अजर-अमर होय के बरदान दिस।
सक्तिपीठ मन म सिवजी सदा बिराजमान होके सक्ति संग भगत मन के मनोकामना ल पूरा करथे। ये ठौर मन म दाई के पूजा अउ उपासना अमोध फल देथे। वारानसी (कासी) म सक्तिपीठ विसालाक्छी हे। परयाग म सिद्धपीठ ललिता हे। नैमिस्यारन्य म देवी लिंगधारिनी, गन्धमादर परबत म कामुकी, दक्छिन म विस्वकाया, उत्तर म विस्वकामा, मन्दराचल म कामचारिनी, गोमंत म गोमती देवी, चैत्ररथ म मदोत्कटा हे। हस्तिनापुर म जयंती, कान्यकुंज म गौरी सिद्धपीठ हे। मलयाचल म रम्भा, एकाग्रपीठ म कीरितीमती, विस्वपीठ म विस्वेसवरी, पुस्कर म पुरूवहा, केदारपीठ मसन्मारगदायिनी, हिमवान पीठ म नन्दा, गोकरन पीठ म मदकालिका, स्थ्यानेस्वरी म भवानी, विल्लकपीठ म विल्वपतरिका हे। सैलसिद्ध पीठ म माधवी देवी, मदेस्वरी सिद्धपीठ म भगवती भदरा, बारह पीठ जया, कमलालय पीठ म कमला, रूद्रपीठ म रूदरानी, कालिंजर सिद्धपीठ म काली अउ सालिगराम पीठ म महादेवी हे।
अइसने सिवलिंग सक्तिपीठ म जलपरिया, महालिंग म कपिला, माकोट म मुकुटेस्वरी, मायापुरी म कुमारी, सन्तानपीठ म ललिताम्बिका, गया के दूसर सक्तिपीठ म मंगला, पुरुसोत्तम पीठ म विमला, सहस्त्राक्छ पीठ म उत्पलाक्छी, हिरन्याक्छ म महोत्पला, विसालापीठ म अमोधाक्छी, पुन्डवरधनम माहला पुपासरवपीठ म नारायनी, चित्रकुट म रूद्र सुंदरी, विपुल छेत्र म विपुला अउ मलयाचल पीठ म कल्यानी हे। सहयादरी परबत म एकवीरा, हरिस्चंदर पीठ म चंदरिका, माधववन पीठ म सुगंधा, गोदावरी पीठ म त्रिसंध्या, गंगाद्वार पीठ म रतिपिरिया, सिवकुंड सतीपीठ म सुभनंदा, देविकापीठ म नंदिनी, द्वारिकापीठ म रूक्मनी, बिरिंदावन म राधा, मथुरा म देवकी, पाताल म परमेस्वरी, चित्रकुट के दूसर पीठ म सीता हावय। विंध्याचल परबत म विंध्यवासिनी, करवीर म महालछमी, विनायक छेत्र म उमा, वैद्यनाथ छेत्र म आरोग्या, महाकाल सक्तिपीठ म माहेस्वरी, उस्नतीरथ म अभया, विंध्य परबत के दूसर पीठ म निलम्बा, मान्डव्यपीठ म मांडवी, माहेस्वरीपुरी पीठ म स्वाहा, छगलड़ पीठ म परचंडा, अमरकंटक म चंदरिका, सोमेस्वर म बरारोहा, परभास म पुस्करावती हे।
सरस्वती तीरथ म देवमाता, तटनायक म पारावारा, महालय म महाभागा, पयोस्नी म पिंगलेस्वरी, करितसौचम म सिंहिका, कारतिक छेत्र म अति सांकरी, वत्तरक तीरथ म उत्पला, सुनंदा अउ सोथा के सुंगम म देवी लोला सिद्धपीठ हे। वनपीठ म लछमी, भरतासरम म अनंगा, जालंधर परबत म विस्वमुखी, किस्किन्धा परबत म तारा, देवदास वन म पुस्टि, कस्मीर म मेघा, हेमादरि परबत म भीमा, विस्वेस्वर म तुस्टि, कपालमोचान म सिरिद्धि, कायावरोहन म घिरिति, संखोद्वार म धरा, पिन्डारक म घलो घिरिति, चंदरभागा नदी तट म कला, अच्छेद सिद्धपीछ म सिवधारिनी, वेना नदी तट म अमरिता सक्तिपीठ हे। बदरीवन म उरवसी, उत्तर कुरुछेत्र म औसधि, कुसद्वीप म कुसोदका, हेमकूट म मन्मथा, कुमुद वन म सत्यवादिनी, अस्वत्य तीरथ म वंदनीया, वैस्नवालय म निधी, वेदवंदन तीरथ म गायतरी, कैलास परबत म पारवती, देवलोक म इंदरानी, बरम्हालोक म सरस्वती, सूरयलोक म परभा, मातिरिका छेत्र म वैस्नवी, सती म अरून्धती अउ इंदरलोक म तिलोत्तमा जागरित सक्ति सिद्ध पीठ हे।
जगदम्बा दाई के सबो सिद्धपीठ दुरगम परबत, पबरित नदिया अउ घनघोर जंगल म स्थित हावय। इहां धियान, तपस्या, जप, यग्य, पूजा-पाठ अउ पराथना करे म अरथ, धरम, काम, मोक्छ के पराप्ति होथे। ‘यत्रास्ति भोगो, न हि तत्र मोक्ष:, यत्रास्ति मोक्ष: न हि तत्र भोग:। श्री सुंदरी सेवन तत्पराणां, भोग:च मोक्ष: च करस्थ एव।’
जगदम्बा के जागरित 108 सिद्धपीठ
जगदम्बा के जागरित 108 सिद्धपीठ

सबसे लोकप्रिय

शानदार खबरें

Newsletters

epatrikaGet the daily edition

Follow Us

epatrikaepatrikaepatrikaepatrikaepatrika

Download Partika Apps

epatrikaepatrika

Trending Stories

नाम ज्योतिष: ससुराल वालों के लिए बेहद लकी साबित होती हैं इन अक्षर के नाम वाली लड़कियांभारतीय WWE स्टार Veer Mahaan मार खाने के बाद बौखलाए, कहा- 'शेर क्या करेगा किसी को नहीं पता'ज्योतिष अनुसार रोज सुबह इन 5 कार्यों को करने से धन की देवी मां लक्ष्मी होती हैं प्रसन्नइन राशि वालों पर देवी-देवताओं की मानी जाती है विशेष कृपा, भाग्य का भरपूर मिलता है साथअगर ठान लें तो धन कुबेर बन सकते हैं इन नाम के लोग, जानें क्या कहती है ज्योतिषIron and steel market: लोहा इस्पात बाजार में फिर से गिरावट शुरू5 बल्लेबाज जिन्होंने इंटरनेशनल क्रिकेट में 1 ओवर में 6 चौके जड़ेनोट गिनने में लगीं कई मशीनें..नोट ढ़ोते-ढ़ोते छूटे पुलिस के पसीने, जानिए कहां मिला नोटों का ढेर

बड़ी खबरें

Thailand Open: PV Sindhu ने वर्ल्ड की नंबर 1 खिलाड़ी Akane Yamaguchi को हराकर सेमीफाइनल में बनाई जगहIPL 2022 RR vs CSK Live Updates: रोमांचक मुकाबले में राजस्थान ने चेन्नई को 5 विकेट से हरायासुप्रीम कोर्ट में अपने लास्ट डे पर बोले जस्टिस एलएन राव- 'जज साधु-संन्यासी नहीं होते, हम पर भी होता है काम का दबाव'ज्ञानवापी मस्जिद केसः सुप्रीम कोर्ट का सुझाव, मामला जिला जज के पास भेजा जाए, सभी पक्षों के हित सुरक्षित रखे जाएंशिक्षा मंत्री की बेटी को कलकत्ता हाई कोर्ट ने दिए बर्खास्त करने के निर्देश, लौटाना होगा 41 महीने का वेतनCBI रेड के बाद तेजस्वी यादव ने केंद्र सरकार पर कसा तंज, कहा - 'ऐ हवा जाकर कह दो, दिल्ली के दरबारों से, नहीं डरा है, नहीं डरेगा लालू इन सरकारों से'Ola-Uber की मनमानी पर लगेगी लगाम! CCPA ने अनुचित व्यवहार के लिए भेजा नोटिस, 15 दिन में नहीं दिया जवाब तो हो सकती है कार्रवाईHyderabad Encounter Case: सुप्रीम कोर्ट के जांच आयोग ने हैदराबाद एनकाउंटर को बताया फर्जी, पुलिसकर्मी दोषी करार
Copyright © 2021 Patrika Group. All Rights Reserved.