scriptsikcha, kla, smajsewa ke alag alag chetr m koduramji kam kare rihis he | आवाज ल सुनके ठीक निसाना म तीर चलाय कोदूराम वरमा ह | Patrika News

आवाज ल सुनके ठीक निसाना म तीर चलाय कोदूराम वरमा ह

सिक्छा, कला, समाजसेवा के अलग अलग छेत्र म कोदूरामजी काम करके हमन ल रद्दा देखा के गे हे। अपन परिवार म महेस वरमा ल कलाकार बना के नवा पीढ़ी म कला के संस्कार डारिस। वोकर परम्परा ल सब मिलजुल के आगू बढ़ाय के संकलन कलाकारमन ले हें।

रायपुर

Published: April 11, 2022 04:31:30 pm

छत्तीसगढ़ सासन ह तीरंदाजी अकादमी ल कोदूराम वरमा के नाव म राख के अपन माटी के महत्तम ल दुनिया म बगरा दिस। कोदूराम वरमा कोन ये ऐला जाने बर सबो के मन म सुगबुगाहट होय लगिस। भूपेस सरकार के ये नाव धरे के काम के गजब बड़ई होइस ।
1 अपरैल 1924 के दुरूग जिला के गांव भिंभौरी म जनम होइस किसान बुधराम के घर एकझन लइका के नाव धरिन कोदूराम। पहली अइसने नाव धरे जाय धान के महत्तम जादा हे। कोदो के कमती। धान ल बोय बियासे बर लागथे। कोदो ह अपने अपन तियार हो जथे। ऐेकरे सेती गुन्निक बापमन सोच- बिचार के नाव धरंय। जउन ह बिन देखभाल के तियार हो जही तउने ह कोदूराम कहाही ।
भिभौंरी गांव के बड़े किसान के बेटा कोदूराम चौथी तक पढि़स। पढ़ते-पढ़त नाचा-भजन म मन लगा लिस। बाप ल संसो होइस, फेर कोदूराम ह, किसानी नइ करिस। वोहा छत्तीसगढ़ी लोककला बर जीवन ल अरपित कर दिस। पहली नाचा म परी बनिस। बाढि़स त जोक्कड़ बनिस। फेर, आगू चल के भजन गायक बन गे ।
‘तोर चरन मनावंव ओ
कोसिलया मोर दाई।
तोर महिमा ल गावंवओ
कौंसिल्या मोर दाई।
तोर कोरा म राम ह खेलिस
राजिव लोचन के माई।‘
छत्तीसगढ़ के बेटी, भगवान राम के महतारी कौसिल्या के जस गवैया कोदूराम ह बहुत नाव कमइस। आगू चलके करमा नचैया लइकामन ल तियार करिस। रास्टरपति ह वोकर करमा नाच ल देख के सम्मान करिस पचयासी बछर के उमर म कोदूराम वरमा ह दू घंटा करमा नाच लय।
छत्तीसगढ़ के मुख्यमंतरी भूपेस बघेल ह 2002 म गांधी विचार यातरानिकालिस। इही यातरा म कोदूराम वरमा ह गांव गांव म सब्दभेदी बान चलाके लोगन ल चकित कर दय। आंखी म पटी बांध के बान चलाने वाला ये समे म वोहा अकेल्ला रिहिस। वोकर बान चालन ल देख के दुनिया के माने हुए बानघारी लिवांराम ह गोड़ ल धर के किहिस ऐहा तो हमरो गुरु ए।
कोदूराम वरमा ह साधक कलाकार रिहिस। 90 बझर के उमर म 18 सितम्बर २०१८ के सरग सिधार गे। छत्तीसगढ़ म जब दुरूग जिला म साक्छारता अभियान सुरू होइस त 1994 म कोदूराम वरमा साक्छरता कलाकार के रूप म गजब काम करिस। राज्यपाल ह उनला सम्मान दिस। छत्तीसगढ़ी लोकमंच बर काम करइया कोदूराम वरमा ल अगासदिया पतरिका म बिसेस अंक निकाल के सम्मान दे गिस। उंंकर गांव म बड़े-बड़े कलाकार सकलइन। आदिवासी गांव झालम के कलाकार मन करमा नाचिन। कोदूररामजी ह खुद करमा नाच के घंटाभर देखइस। गीत-गाना, नाचना, साब्दभेदी बान चलाना के संग-संग नान-नान लइकामन ल सिखोवय अउ आगू बढ़ावय।
आवाज ल सुनके ठीक निसाना म तीर चलाय कोदूराम वरमा ह
आवाज ल सुनके ठीक निसाना म तीर चलाय कोदूराम वरमा ह

सबसे लोकप्रिय

शानदार खबरें

Newsletters

epatrikaGet the daily edition

Follow Us

epatrikaepatrikaepatrikaepatrikaepatrika

Download Partika Apps

epatrikaepatrika

Trending Stories

1119 किलोमीटर लंबी 13 सड़कों पर पर्सनल कारों का नहीं लगेगा टोल टैक्सयहाँ बचपन से बच्ची को पाल-पोसकर बड़ा करता है पिता, जैसे हुई जवान बन जाता है पतिशुक्र का मेष राशि में गोचर 5 राशि वालों के लिए अपार 'धन लाभ' के बना रहा योगराजस्थान के 16 जिलों में बारिश-आंधी व ओलावृ​ष्टि का अलर्ट, 25 से नौतपाजून का महीना इन 4 राशि वालों के लिए हो सकता है शानदार, ग्रह-नक्षत्रों का खूब मिलेगा साथइन बर्थ डेट वालों पर शनि देव की रहती है कृपा दृष्टि, धीरे-धीरे काफी धन कर लेते हैं इकट्ठा7 फुट लंबे भारतीय WWE स्टार Saurav Gurjar की ललकार, कहा- रिंग में मेरी दहाड़ काफीशुक्र देव की कृपा से इन दो राशियों के लोग लाइफ में खूब कमाते हैं पैसा, जीते हैं लग्जीरियस लाइफ

बड़ी खबरें

ज्ञानवापी केसः बहस पूरी, 1991 का वर्शिप एक्ट लागू होगा या नहीं, कल होगा फैसला, जानें सुनवाई से जुड़ी हर बातबीजेपी नेता किरीट सोमैया की पत्नी ने शिवसेना के संजय राउत के खिलाफ दर्ज कराया 100 करोड़ का मानहानि का मुकदमालैंड होते ही झटके से रूक गया यात्री विमान, सांस थामे बैठे रहे यात्रीजम्मू और कश्मीर: आतंकियों के निशाने पर सुरक्षा बल, श्रीनगर में जारी किया गया रेड अलर्टजापान में पीएम मोदी का जोरदार स्वागत, टोक्यो में जापानी उद्योगपतियों से की मुलाकातऑक्सफैम ने कहा- कोविड महामारी ने हर 30 घंटे में बनाया एक नया अरबपति, गरीबी को लेकर जताया चौंकाने वाला अनुमानसंयुक्त राष्ट्र की चेतावनी: दुनिया के पास बचा सिर्फ 70 दिन का गेहूं, भारत पर दुनिया की नजरबिहार में पटरियों पर धरना-प्रदर्शन के चलते 23 ट्रेनें रद्द, 40 डायवर्ट की गईं
Copyright © 2021 Patrika Group. All Rights Reserved.