भाईचारा हे बैजलपुर म

आवव मोर गांव

बै जलपुर ह बेमेतरा के दुरुग रोड़ म बेमेतरा ले एक कोस दूरिहा डूंड़ा के रक्सहुं डहर जाबे त उघरा के आघू म परही। गांव के नाव बैजलपुर काबर परिच तेकरो कारन हे। पहिली ए गांव म पानी नइ मिलय। एक कोस रेंग के नरवा म जाके पानी भरंय। उही पानी ल पीयंय अउ निस्तार करंय।
बिना जल के गांव रहिस तेकर सेती बेजल अउ धीरे-धीरे बैजलपुर नाव परिच। लोगनमन के एहू कहिना हे कि इहां गली-गली अउ खंड़हर म बैजन्त्री फूल के झाड़ी रहय। बैजन्त्री फूल जादा रहिस तेकर सेती हो सकत हे गांव के नांव बैजलपुर परिस होही।
गांव म पांचझन स्वतंत्रता संगराम सेनानी रहिन। बछर 1933 म पांच परिवार रिहिन। जम्मो परिवार ले एकक मनखे सुन्ता बंधा के आजादी के लड़ई म कूद परे रहिन। ऐकरमन के नांव हे- धनवारध्धनिया, बुधरामध्दीना, कलिराम सदाशिव मुकुत राम नारायण, पदुम पचकौड़ गांड़ा। फेर ऐकरमन के गांव म एकोठिन चिन्हा नइये। गांव म जम्मो समाजिक अउ धारमिक परब ल उच्छाह के साथ सबो मिलजुल के मनाथें। गांव के मनखेमन म भाईचारा, एकता अउ सुग्घर परेम-बेवहार हे। इहां समे-समे में धारमिक अउ सामाजिक कारयकरम होवत रहिथे।