छत्तीसगढिय़ा सपूत किसोर साहू

सुरता म

गाइड, नदिया के पार, कुंआरा बाप, दिल अपना, प्रीत पराई जइसे कतकोन हिट फिलिम के रचयिता स्व. किसोर साहू के बारे म कतकोन छत्तीसगढिय़ामन नइ जानंय के वोकर पइदाइस राजनांदगांव के हे। ये छत्तीसगढिय़ा छोकरा ह 44 बछर तक बुंबई (मुंबई) म फिलिम के बड़े-बड़े हीरो-होरोइनमन ल निरदेसित करिस। 1937 से 1980 के बीच म बीस ले जादा फिलिम के निरदेसन करइया महानायक किसोर साहू ह पच्चीस ले जादा फिलिम म हीरे के रोल घलो करिस हे। साठ बछर पहिली सेक्सपियर के परसिद्ध नाटक ‘हेलमेट’ के फिल्मांकन करके फिल्मकार अउ साहित्यकारमन ल अचंभित कर दे रहिस। असोक कुमार, हिमांसु राय, देविका रानी, मीनाकुमारी, दिलीप कुमार, वैजयंतीमाला, देवानंद, राजकपूर, मनोज कुमार, संकर जयकिसन, लछमीकांत प्यारेलाल, जइसे फिलिमी दिग्गजमन के संगे-संग भगवतीचरन वरमा, भगवतीचरन वरमा, अमरीतलाल नागर, बिसनु खरे जइसे बड़े-बड़े साहित्यकारमन ल घलो किसोर साहू ह बहुतेच परभावित करिस।
1948 म दिलीप कुमार अउ कामिनी कौसल अभिनीत फिलिम ‘नदिया के पार’ म छत्तीसगढ़ी बोली ल जगा देके वोहा अपन अंचल अउ माटी के परति अपन निस्ठा ल सिद्ध करिस। अभिनेता के रूप म किसोर साहू के फिलिम – वकील बाबू, हरे राम हरे कृष्णा, जुआरी, पुष्पांजलि, गाइड, पूनम की रात, काला बाज़ार, लव इन शिमला, कालापानी, हैमलेट, मयूरपंख, हमारी दुनिया, सपना, जलाजला, बुझदिल काली घटा, नमूना, सावन आया रे, सिंदूर, इंसान, राजा, जीवन प्रभात।
बहुत अकन फिलिम के निरदेसन करिस
किसोर साहू जी ह अब्बड़ अकन फिलिममनके निरदेसन करे रिहिस हे- जेमा परमुख हे – धुएं की लकीरें, पुष्पांजलि, हरे कांच की चूडियां, पूनम की रात, घर बसाके देखो, गृहस्थी, दिल अपना और प्रीत पराई, बड़े सरकार, कि़स्मत का खेल, हेमलेट, मयूरपंख, हमारी दुनिया, काली घटा, सावन आया रे, सावन भादो, नदिया के पार, साजन, सिंदूर, वीर कुणाल, शरारत, राजा, कुंवारा बाप।
लेखन : तीन बहूरानियां लेखक, औरत संवाद, हरे कांच की चूडियां संवाद, पटकथा, कहानी, दिल अपना और प्रीत पराई लेखक, मयूरपंख पटकथा।
निरमाता : हरे कांच की चूडियां, मयूरपंख अउ पुष्पांजलि।